कोणत्याही आधाराशिवाय उभा असलेला हा आहे जगातील सर्वात उंच क्रूस !!

आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page

===

क्रूस म्हणजे काय हे तुम्हाला वेगळ्याने सांगण्याची गरज नाही. ख्रिश्चन धर्मामध्ये या क्रूसला अनन्यसाधारण महत्त्व आहे. त्याच्या प्रतिकृती ख्रिस्ती धर्मियांच्या घरामध्ये आणि चर्चमध्ये हमखास पाहायला मिळतात. परंतु हे झाले लहान क्रूस ! जगामध्ये असे अनेक भलेमोठे क्रूस आहेत जे खालून वर पर्यंत संपूर्ण न्याहाळण्यासाठी मान आणि डोकं पाठीला टेकवावचं लागतं, तेव्हा कुठे आपली नजर क्रुसच्या सर्वोच्च टोकावर जाऊन स्थिरावते. आता आम्ही तुम्हाला जगभरातील या उंच क्रूसपैकी सर्वात उंच क्रुसाबद्दल माहिती देणार आहोत. तुमच्यापैकी बऱ्याच जणांना या बद्दल माहिती देखील असेल. ज्या ज्या चित्रपटांअध्ये स्पेन दाखवले जाते ते चित्रपट हा क्रूस दाखवल्याशिवाय राहत नाहीत. आणि या क्रूसचे आकर्षण म्हणजे या क्रूस कोणत्याही आधाराशिवाय आकशाला गवसणी घालत उभा आहे.

valley_of_the_fallen-cross-marathipizza00

स्रोत

या क्रुसची उंची आहे तब्बल ५०० फुट इतकी !

स्पेनची राजधानी माद्रिद जवळील व्हॅली ऑफ फालन येथे स्पेनमधील यादवीमध्ये बळी पडलेल्या नागरिकांच्या स्मरणार्थ क्रूसची ही प्रतिकृती उभारण्यात आली आहे.


valley_of_the_fallen-cross-marathipizza01

स्रोत

हा क्रूस पूर्णत: दगडाने बनवण्यात आला आहे. हा क्रूस तीस किलोमीटर अंतरावरूनही स्पष्ट नजरेस पडतो. स्पेनचे स्थापत्यतज्ज्ञ जुआन डी अॅव्हलास यांनी या क्रूसची रचना केली आहे.

valley_of_the_fallen-cross-marathipizza02

स्रोत

या क्रुसची आणखी एक विशेष गोष्ट म्हणजे हा क्रूस जगातील सर्वात लांब चर्चावर उभा आहे. हे चर्च ८५३ फुट लांब आहे. राजा फ्रान्सिस्को फ्रान्सोच्या आदेशानुसार १९४० ते १९५८ या काळामध्ये हे चर्च उभारण्यात आले होते.

valley_of_the_fallen-cross-marathipizza03

स्रोत

त्याकाळी हे चर्च उभारण्याकरिता २२ कोटी ९० लाख डॉलर इतका खर्च आला होता. चर्चबद्दल अजून एक खास गोष्ट म्हणजे हे चर्च भूमिगत आहे आणि त्यावर उभा आहे कोणत्याही आधाराशिवाय बांधलेला सर्वात उंच क्रूस !

valley_of_the_fallen-cross-marathipizza04

स्रोत

===

आमचे इतर लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright (c) 2017  InMarathi.com | All rights reserved.

Leave a Reply

Your email address will not be published. Required fields are marked *