बीभत्स बॉलिवूड : हिंदी चित्रपटसृष्टीच्या गोजिऱ्या चेहर्यामागचं विकृत, विद्रुप वास्तव

आमच्या इतर लेखांच्या अपडेट्स मिळवण्यासाठी आमच्या फेसबुकपेजला नक्की Like करा: facebook.com/InMarathi.page

===

बॉलिबुड असो वा हॉलीवूड महिलांना शय्यासोबत करायला सांगणे, त्याकरता प्रलोभनं दाखवणं, दबाव टाकणं हे काही नवीन नाही. त्यावर अनेक चित्रपटही आले आहेत. उदा. करीना कपूरचा हिरोईन, पेज थ्री इ.इ.

नुकतेच  प्रियंका चोप्राने दिलेल्या मुलाखतीत, तिने बॉलिवूडमध्ये महिलांना “काँप्रमाईज” म्हणजेच शय्यासोबत करण्यास सांगितले जात असल्याचा गौप्यस्फोट अप्रत्यक्षरित्या  केला होता. त्याकरता तिच्यावरही दबाव टाकण्यात आला असल्याचे तिने या मुलाखतीत उघड केले होते. तसेच त्याआधी एका राष्ट्रीय न्यूज चॅनलवर कंगणा रणौतनेही याबाबत वाच्यता केली होती.

 

priyanka-chopra-InMarathi
dnaindia.com

2000 साली विश्वसुंदरी हा किताब जिंकणाऱ्या प्रियंका चोप्राने बॉलिवूडमध्ये पदार्पण करून आज 17 वर्षं झाली आहेत. तसेच काही काळापूर्वी तिने बेवॉच, क्वॉंटिको सारख्या आंतरराष्ट्रीय स्तरावर नावाजलेल्या मालिकांमध्ये देखील आपल्या अभिनयाने सर्वांना थक्क करून सोडले.


मेरी क्लिअर पॉवरट्रीप या मुलाखतीच्या कार्यक्रमात प्रियंका कास्टिंग काऊचच्या या अंधारमय जगाबाबत खुलासा केला.

 

casting couch in bollywood - InMarathi04jpg
deccanherald.com

महिलांवरच नाही तर पुरुषांवरही शय्यासोबत करण्यासाठी बॉलिवूडमध्ये दबाव आणला जातो.. हो हे खरं आहे.. दिसायला ग्लॅमरस आणि स्वप्नवत वाटणाऱ्या या बॉलिवूड इंडस्ट्रीचं हे एक भयावह असं वास्तव आहे…

 

irfan-khan-InMarathi
bollywoodlife.com

पुरुषांवरही शय्यासोबत करण्यासाठी दबाव आणला जातो, असा खुलासा नावाजलेला अभिनेता इरफान खान करतो म्हटल्यावर तर या बॉलिवूड इंडस्ट्रीचा खरा चेहरा समोर आल्यासारखं होतं. दशकापेक्षाही अधिक काळ इरफानने आपल्या अपर कष्टाने आणि अभिनयाने बॉलिवूडमध्ये आपले स्थान पक्के केले आहेत.

सलाम बॉंम्बे, मकबूल, स्लम डॉग मिलियनर, पानसिंग तोमार इत्यादी भुमिकांसाठी नावाजलेला कलाकार म्हणजे इरफान खान. त्याचा अभिनय हा अगदी रिअल वाटतो, तो दर्शकांसोबत कनेक्ट होतो. अभिनेता म्हटलं की, सिक्स पॅक अॅब्स, दिसायला देखणा, गोरा-गोमटा चेहरा अशी वस्तुस्थिती असताना यापेक्षा अगदी विपरीत क्वॉलिटीज असून देखील निव्वळ आपल्या अभिनयाच्या जोरावर गाजलेल्या काही निवडक अभिनेत्यांपैकी इरफान हा एक.

 

casting couch in bollywood - InMarathi02
scoopwhoop.com

 

सर्वसाधारण चेहरा, मोठ्ठे डोळे दिलखेच संवादफेक कमी पण ऑफबीट सिनेमांतच महत्वाची भुमिका केलेला इरफान सांगतो की, बॉलिवूडमध्ये शय्यासोबत करण्यासाठी त्यच्यावर दबाव टाकण्यात आला होता. पण त्याने या गोष्टीला नकार दिला. तसेच इरफान म्हणतो,

” या गोष्टी स्त्रियांसोबत अधिक प्रमाणात होत असल्या तरी पुरुषांवरही यासाठी दबाव टाकल्या जातो. पण आपल्या हातात अशा ऑफर नकारण्याचं धैर्य असायला हवं.”

 

casting couch in bollywood - InMarathi03
scoopwhoop.com

याप्रकरणी त्याने कुणाचेही नाव घेतले नाही. पण, काही पुरुषांनी आणि स्त्रियांनीही त्याला शैय्यासोबत केल्यास चांगले काम देऊ असं सांगितलं होतं. इरफानने ‘करीब करीब सिंगल’ या चित्रपटाच्या गाण्याच्या लॉन्चींग दरम्यान हे वक्तव्य केलं. तर या चित्रपटातून दाक्षिणात्य अभिनेत्री पार्वती ही बॉलीवूडमध्ये पदार्पण करत आहे.

फिल्म इंडस्ट्रीमध्ये कास्टिंग काऊच हे काही नवीन नाही, तसेच चांगल्या कामाच्या आणि यशस्वी होण्याच्या हव्यासापोटी अनेक जण याला बळी देखील पडतात. यात स्ट्रगलर्सचा तर मोठ्या प्रमाणात सामवेश असतो पण यातून आजचे मोठ-मोठे नावाजलेले कलाकार देखील सुटलेले नाहीत. हे एक धक्कादायक वास्तव आहे. यावरून लोकांची मानसिकता किती विकृत होत चालली आहे हे कळून येते.

बाहेरून झगमगती आणि कलरफुल दिसणारी ही बॉलिवूड इंडस्ट्री आतून तेवढीच अंधारमय आहे, हेच यावरून दिसून येते.

===

लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुकपेजला नक्की Like करा: facebook.com/InMarathi.page

Leave a Reply

Your email address will not be published. Required fields are marked *