तुमच्या नखावर असलेले अर्धचंद्र तुमच्याबद्दल काय गुपित सांगत असतात? जाणून घ्या..

आमचे सर्व लेख मिळवण्यासाठी फॉलो करा : फेसबुक | ट्विटर

===

आपल्या नखांकडे जर कधी आपण निरखून पाहिलं तर त्यावर वेगवेगळ्या प्रकारची काही चिन्हे आढळतात. या सगळ्या चिन्हांमध्ये उठून दिसणार चिन्ह म्हणजे आपल्या नखांच्या तळाशी असणारे अर्धचंद्र. हे अर्धगोलाकृती चिन्हे अर्धचंद्रासारखे दिसतात म्हणून त्यांना मराठीत अर्धचंद्र अस म्हटलं जातं.

खूप व्यक्ती अशा असतात ज्यांच्या नखांच्या तळाला उरलेल्या नखाच्या रंगापेक्षा वेगळे उठून दिसणारे काहीसे पांढरट हस्तिदंती रंगाचे आणि पूर्णपणे विकसित दिसणारे असे अर्धगोल असतात.

याचं स्वरूप व्यक्तीपरत्वे बदलत ही जातं. काय दर्शवतात हे अर्धचंद्र? या चिन्हांचा काही खास किंवा वेगळा अर्थ होतो का? काही व्यक्तींच्या नखांवर ही चिन्हे अजिबात आढळत नाही. मात्र काही व्यक्तींच्या नखावर अशी चिन्हे स्पष्टपणे उठून दिसतात. याचा खरच काही अर्थ होतो का याचं उत्तर होकारार्थी द्यावं लागेल.

 

nail-inmarathi
periskopi.com

ज्योतिषशास्त्र, पामिस्ट्री अशा गूढ शास्त्रांमध्ये आणि देशोदेशीच्या आरोग्यशास्त्रांमध्ये या अर्धचंद्राकृती चिन्हांचा वापर करून व्यक्तीच्या स्वभावाबद्दल, भविष्याबद्दल, आरोग्याबाबत प्रश्नांची उकल केली जाते. जाणून घेवूया या चिन्हांबाबत असलेली रंजक माहिती..


१. लॅटीन भाषेत “लुनुला” इंग्रजी मध्ये “क्रीसेंट व्हाईट” किंवा “लिटील मून” या नावाने ओळखली जाणारी अर्धचंद्राकृती चिन्हे हर एक व्यक्तीच्या नखांवर असतात. मात्र अनेकदा त्वचेच्या आवरणाखाली झाकली गेली असल्यामुळे दिसत नाहीत.

ही चिन्हे वातावरण, व्यक्तीची जडणघडण, व्यक्तीचा आहार, पालनपोषण अशा कारणांमुळे विकसित होतात किंवा अजिबात होत नाहीत. मात्र काही व्यक्तींच्या नखांवर ती स्पष्टपणे दिसून येतात.

२. या अर्धचंद्राकृती चिन्हांचा सर्वात मोठा उपयोग निरनिराळ्या आरोग्यशास्त्रात व्यक्तीचे आरोग्य कशा प्रकारचे आहे हे ठरवण्यासाठी करतात. संपूर्णपणे विकसित असलेले आणि हाताच्या १० ही बोटांच्या नखांवर दिसणारे हस्तिदंती रंगाचे पांढरे स्वच्छ अर्धगोल हे व्यक्तीच्या चांगल्या आरोग्याचं द्योतक मानलं जातं.

असे विकसित अर्धचंद्र व्यक्तीच्या थायरॉईड ग्लँडचं आरोग्य चांगलं आहे हे सांगतात. याउलट पिवळसर, निळसर दिसणारे अर्धचंद्र व्यक्तीला डायबेटीस असल्याची शक्यता दर्शवतात. लाल दिसणारे अर्धचंद्र हे हृदयाचे आरोग्य बिघडल्याचे लक्षण मानले जाते. संपूर्णपणे काळ्या रंगाचे अर्धचंद्र हे व्यक्तीला अत्यंत गंभीर स्वरूपाचे आजार आहे असे दर्शवतात.

अर्थात हे प्रत्येक व्यक्तीच्या बाबतीत खरे असेल असे नाही. ढोबळ मानाने जर नखांवरची अर्धचंद्राकृती चिन्हे स्वच्छ पांढऱ्या रंगाची न दिसता पिवळसर, निळसर, लालसर किंवा संपूर्णपणे काळी अशी दिसत असतील तर व्यक्तीने याबाबत जरूर एकदा डॉक्टरी सल्ला घ्यावा.

 

nails-circles-inmarathi
tiphero.com

३. प्रत्येक नखाच्या तळ भागाशी अशी चिन्हे असतील असे होत नाही. सामान्यतः दोन्ही हातांच्या सर्व बोटांवर अथवा किमान ७ ते ८ बोटांच्या नखांवर अशी अर्धचंद्रे असणं उत्तम आरोग्याचं लक्षण मानलं जातं.

४. जर व्यक्तीच्या सर्व बोटांवर अशी स्वच्छ पांढऱ्या रंगाचे अर्धगोल असतील तर ते व्यक्तीची पचनक्रिया देखील उत्तम असण्याचे लक्षण मानले जाते. तसेच अशा व्यक्ती इतर व्यक्तींपेक्षा जास्त उत्साही असतात.

याउलट जर पिवळसर आणि नीट न विकसित झालेले अर्धगोल व्यक्तीच्या सुस्त आणि आळशी स्वभावाची झलक मानतात. असे अर्धचंद्र हातावर अजिबात न दिसणे म्हणजे व्यक्तीची पचनसंस्था नीट काम करीत नाही असा त्याचा अर्थ होतो.

५. हा मानवी त्वचेच्या आवरणाखालचा ५ वा ६ वा थर असतो त्यामुळे दिसण्यास तो पूर्णपणे फिक्कट दिसतो. कधी कधी तो त्वचेच्या आवरणाखाली झाकला देखील जातो. नखांचा शेवटचा भाग असल्याने हा नाजूक असतो.

६. ज्योतिष शास्त्रामध्ये आणि पामिस्ट्री मध्ये देखील अशा अर्धचंद्रांना अनन्यसाधारण महत्व आहे. असे मानले जाते की हाताच्या ८ किंवा १० ही बोटांच्या नखावर अशा प्रकारची चिन्हे असणारी व्यक्ती भाग्यवान असते.

 

circles-inmarathi
islam-live.net

अशा व्यक्तीला सुरुवातीला आयुष्यामध्ये खूप परिश्रम घ्यावे लागतात. मात्र अशा व्यक्ती आयुष्याच्या उत्तर काळात त्यांच्या कर्तृत्वाने जीवन भरभराटीला आणतात. अशा व्यक्तीच्या नशिबात जोडीदाराचे सुख देखील चांगले असते असे काही ज्योतिषी मानतात.

अशा रीतीने व्यक्तीच्या व्यक्तिमत्वाचा आणि आरोग्याचा लेखाजोखाच या अर्धगोलाकार चिन्हांच्या द्वारे एकंदर दाखविला जातो.

===

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | Copyright © InMarathi.com | All rights reserved.

Leave a Reply

Your email address will not be published. Required fields are marked *