कोरोना : बाहेरून आणलेला ‘किराणा’ आणि ‘भाज्या’ नीट स्वच्छ करण्यासाठी या टिप्स फॉलो करताय ना?

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम |

===

आज काल सर्वत्र एकच विषय आहे तो म्हणजे नोवेल कोरोना व्हायरस! मार्च मध्यापासून ह्या व्हायरसचा भारतात संसर्ग व्हायला सुरुवात झाली.

सुरुवातीला शाळा महविद्यालये बंद ठेवण्यात आली १५ मार्च ते ३१ मार्च. २२ मार्च ला एका दिवसासाठी टोटल लॉकडाऊन जाहिर झाला. परिस्थिती आणखीनच गंभीर झाली.

सरकारने वाढता संसर्ग आणि मृत्युचे वाढते आकडे लक्षात घेऊन ३ मे पर्यंत टोटल लॉकडाऊन जाहिर केला!

 

india lockdown inmarathi
gulf news

 

रेल्वे, विमानं खाजगी, सरकारी वाहने, छोटे मोठे व्यवसाय, खाजगी कंपन्या सर्व काही बंद! काहींना घरून काम (वर्क फ़्रॉम होम) करण्यास सांगण्यात आले.

काहीही करा घरातच थांबा असे आदेश देण्यात आले. घरातून बाहेर पडायचं नाही.

२४ तास ऑन ड्युटी फक्त डॉक्टर्स्, नर्सेस् आणि पोलिसांची. घराबाहेर पडलं की पोलिस मारतात, ओरडतात, शिक्षा करतात. फक्त अत्यावश्यक सेवा सुरू आहेत.

त्यामध्ये भाजीपाला, किराणा, औषधे, रोज लागणारे खाद्यपदार्थ इत्यादी वस्तू येतात.

ह्या कोरोना व्हायरसचा इतका धसका घेतला आहे लोकांनी की शाकाहार करायला सुद्धा भीती वाटतेय आता!

 

vegetables inmarathi
the news minute

 

खायचे, प्यायचे प्रयोग सुरू झाले आहेत पन खूप जपून किंवा आधी पासूनच जे काही थोडं फार सामान आहे त्यातूनच!

खरंच किती भयानक आहे हे! आपण आणलेल्या भाज्या, किराणा हे खरंच स्वच्छ असतं का?

त्यातून सोशल मिडिया वर, बातम्यां मध्ये वगैरे असे काही व्हिडिओ फिरत होते की काही माणसं मुद्दाम हा व्हायरस पसरवत आहेत!

आता त्यात किती तथ्य आहे आणि पब्लिसिटी स्टंट किती आहे हा भाग वेगळा पण, धडकी भरतेच ना असं काही कळलं की!

त्यातून त्या किराणा सामानाला, भाज्यांना कोणी कसले कसले हात लावले असतील, कोणी कसं हाताळलं असेल ते काय माहित!

 

malls inmarathi
the economic times

 

मग आता हे भाजीपाला, किराणा स्वच्छ कसं करायचं? चला तर मग आज आपण ह्या लेखातून आपण किराणा आणि भाज्या कशा स्वच्छ करायच्या ते पाहूया!

टोटल लॉकडाऊन असलं, बाहेर पडायचे नाही, सोशल डिस्टन्स पाळायचं हे सर्व खरं असलं तरी भाजी, औषधे ह्यासारखी चीज वस्तू घेण्यासाठी बाहेर जावंच लागत ना!

तेव्हा घरातल्या एकाच व्यक्तीने बाहेर पडायचं, तेव्हा बाहेर जाताना तोंडाला मास्क लावायचा, जवळ सॅनिटायझर, टिश्यु पेपर्स ठेवावे.

किराणा आणि भाज्या नीट वेगवेगळ्या पिशव्यांमध्ये ठेवावेत आणि ४ ते ५ दिवसांचे किंवा शक्यतो आठवडाभराच्या भाज्या घेऊन याव्यात, सारखं सारखं बाहेर पडू नये.

शॉपिंग कार्ट, हॅंडल, जिथे जिथे हात लावणार असू तिकडे आधी स्वच्छ पुसून घ्यावे. नंतरही हात धुवून घ्यावेत स्वच्छ! आणि शक्यतो कॅशलेस व्यवहार करावेत.

 

grocery inmarathi
news nation

 

घरी आल्यावर आधी हात पाय स्वच्छ धुवावेत, पिशव्या धुवाव्यात (डिस्पोजेबल असतील फ़ेकून द्याव्यात)..आता बघुया किराणा आणि भाज्या कसे स्वच्छ करावे ते!

१) किराणा सामान आपण साबणाने तर धुवून घेऊ शकत नाही पण, पाण्याने तर धुवून घेता येतं ना? मग ते पाण्याने धुवुन घेणे गरजेचे आहे,

वापरण्याच्या आधी तांदूळ, तूर डाळ, मूग डाळ इत्यादी धुवून घ्यावे. (तसंही ते आपण धुवूनच घेतो पण, आता तर ते जास्त गरजेचे आहे).

आपण बाहेरून जे काही आणतोय ते संक्रमित असण्याची शक्यता आहे त्यामुळे ते स्वच्छ धुवून घेण्याची गरज आहे. धुवून नंतर वाळवता येईल.

२) किराणा सामान धुवून आणि वाळवून झाल्यावर स्वच्छ धुतलेल्या, निर्जंतुक केलेल्या हवाबंद डब्यात भरून ठेवावेत.

ते डबे स्वच्छ धुतल्यानंतर निर्जंतुक करणे गरजेचे आहे आणि त्याचप्रमाणे ते स्वच्छ फडाक्याने पुसून घ्यावे.

३) किराणा सामान किंवा भाज्या धुण्याच्या आधी आपले हात २० ते ३० सेकंद धुवून घ्यावेत. लक्षात असू द्या वारंवार हात धुणे हे आपल्या सुरक्षेसाठी अत्यंत उपयोगी आहे.

 

vegetable cleaning inmarathi
WebHD

 

४) प्रारंभिक माहितीवरून असे लक्षात आले आहे की कोरोना व्हायरस कार्डबोर्ड वर २४ तास आणि प्लास्टिक वर ७२ तास पर्यंत जीवंत राहू शकतात!

त्यामूळे ह्या वस्तू जर आणल्या तर तेव्हढा वेळ जाऊ द्यावा आणि मगच त्या वापराव्यात.

५) खाद्य वस्तूं मधून, पॅकेज्ड फूड मधून कोरोना व्हायरसचं संक्रमण होतं ह्याचा ठोस पुरावा नाही पण ह्या व्हायरसचे संक्रमण कोणत्याही पद्धतीने रोखणे गरजेचं आहे.

त्यामुळे सावधानता बाळगणे गरजेचं आहे. (precaution is better than cure) शक्यतो सगळे संभाव्य धोके लक्षात घेऊन त्याप्रमाणे सावधानता आणि स्वच्छता बाळगणे गरजेचे आहे.

 

packed food inmarathi
citizen matters

 

६) भाज्या, फळे इत्यादी साबण किंवा डिटेर्जंट ने धुणे गरजेचं नाही पण गरम पाण्याने स्वच्छ धुवून घ्या. लिंबू, कोबी, फ्लॉवर, द्राक्ष, सफरचंद इत्यादी फळे आणि फळभाज्या गरम पाण्यात घालून ठेवाव्यात.

साधारण १० ते १५ मिनिटे गरम पाण्यात ठेवून नंतर पुन्हा साध्या पाण्याने स्वच्छ धुवून घ्याव्यात.

७) आपण ज्या भांड्यात भाज्या गरम पाण्यात ठेवणार ते भांडेही स्वच्छ, निर्जंतुक करून घेतलेले हवे. जितकी स्वच्छता अधिक तितकी आपल्या निरोगीपणाची खात्री अधिक!

८) जिथे आपण किराणा ठेवणार ती जागा देखील स्वच्छ निर्जंतुक करून घेतलेली असावी. स्वच्छ असावी.

 

washing vegies and fruits inmarathi
times of india

 

आपल्याला कोरोना व्हायरसला हरवायचंय! त्याची साखळी तोडायचीये. आपल्याला ह्या भयानक व्हायरसला रोखायचंय. त्याने घातलेलं मृत्युचं थैमान थंबवायचंय!

त्यासाठी आपल्याला जे जे शक्य आहे ते ते सर्व करायचं आहे. ही लढाई अदृश्य शत्रुशी आहे, त्याला हरवायचं तर स्वच्छता घ्यायलाच हवी.

ह्या अदृश्य शत्रुला स्वच्छता आणि सोशल डिस्टन्सनेच हरवता येणार आहे. त्यामुळे शक्यतो ह्या गोष्टी करणे, काळजी घेणे, स्वच्छता राखणे खूपच गरजेचे आहे.

===

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | Copyright © InMarathi.com | All rights reserved.

Leave a Reply

Your email address will not be published. Required fields are marked *

error: चोरी करणं अनैतिक आहे. असं कृत्य का करताय?