ह्या गूढ वास्तू तुमच्याआमच्या भोवती आहेत…पण त्या मागचा अगम्य इतिहास कुणालाच ठाऊक नाही

आमचे सर्व लेख मिळवण्यासाठी फॉलो करा : फेसबुक | ट्विटर

===

जगभरातील पुरातत्व विभाग आणि अधिकारी नेहमी आपल्यासमोर आपल्या इतिहासाचे पुरावे सादर करत असतात. ज्यामुळे अनेक अश्या गोष्टी आपल्याला इतिहासाबाबत माहिती झाल्या ज्याबाबत कदाचित आपण कधी कल्पनाही करू शकत नाही.

अशाच काही ऐतिहासिक वास्तू त्या त्या ठिकाणच्या पुरातत्व विभागातर्फे शोधण्यात आल्या पण त्याच्या मागील खरी कहाणी नेहमी लोकांपासून दूर ठेवण्यात आली आहे.

१. Teotihuacan, the Real Temple of Doom

 

mysterious-structures-inmarathi
cracked.com


मेक्सिको शहराजवळ असलेल्या ह्या मंदिराला बघण्यासाठी जगभरातून अनेक पर्यटक येतात. पण Teotihuacan हे ह्या मंदिराचे खरे नाव नाही.

ह्याचा इतिहास आजही पूर्णपणे स्पष्ट नाही. हे मंदिर कधी बनलं, ह्याला कोणी बनवलं ह्याबाबत स्वतः पुरातत्व विभागाला देखील माहित नाही.

जवळपास ५०० वर्षांआधी ही इमारत लोकांच्या समोर आली. ह्याबाबत कुठेही लिखित माहिती नाही, तसेच कुठल्याही दंतकथेत देखील ह्याचा उल्लेख नाही.

हे मंदिर आजही पुरातत्व विभागासाठी एक कोडं बनलेलं आहे. ह्या मंदिराला एखाद्या शहराप्रमाणे बनविण्यात आले आहे. ह्याची वास्तुकला एवढी अप्रतिम आहे की पुरातत्व विभागाकडून ह्या ठिकाणाची तुलना न्यूयॉर्क शहराशी केली जाते.

२. The Works of the Old Men :

 

mysterious-structures-inmarathi04
ancient-origins.net

हे ठिकाण आकाशातूनच बघता येऊ शकते. जमिनीवर बनलेल्या ह्या आकृत्या अनेक प्रश्न उपस्थित करतात. ज्यांनी उत्तरे अजूनही पुरातत्व विभागाला सापडलेली नाहीत.

सौदीच्या वाळवंटात रेतीच्या काणांमध्ये तुम्हाला ह्या आकृत्या बघायला मिळतात. ह्या आकृत्यांबाबत कुणालाही कुठलीही माहिती नाही.

काही दंतकथांच्या मते एका वृद्ध व्यक्तीने ह्या आकृत्या बनविल्या आहेत. पुरातत्व विभागाने ह्या आकृत्या २००० वर्ष जुन्या असल्याचं सांगितलं आहे. पण ह्याबाबत पूर्णतः माहिती कुठेही उपलब्ध नाही.

३. The Giant Rock Monument Under the Sea of Galilee :

 

mysterious-structures-inmarathi03
look4ward.co.uk

२००३ साली गॅलीली जवळच्या समुद्रात इस्राएलच्या पुरातत्व विभागाचे लोक काहीतरी शोधत असताना त्यांची शोध मोहीम अचानक समुद्रातील एका पहाडावर जाऊन थांबली.

आधी एखाद्या बेटासारख्या दिसणाऱ्या ह्या पहादाचे जेव्हा जवळून निरीक्षण करण्यात आले तेव्हा सर्वांचे डोळे विस्फारून गेले, कारण हा कुठला नैसर्गिक पहाड नसून लहान लहान दगडांना जोडून तयार करण्यात आलेला पहाड होता. ह्या पहाडाला कोणी आणि का बनवले असावे ह्याचे उत्तर अजूनही सापडलेलं नाही.

४. Nan Madol :

 

mysterious-structures-inmarathi02
dailymail.co.uk

Temwen बेटाजवळ Nan Madol नावाचे एक पुरातन शहर आहे. ज्याप्रकारेहे शहर बनविण्यात आले आहे ते बघून हे एखाद्या भुताच्या चित्रपटातील सेट वाटतो.

नक्कीच कुठल्यातरी महान वास्तुविशारदाने ह्या शहराची निर्मिती केली असावी.

Nan Madol ह्याबाबत देखील इतिहासात कुठलाही माहिती अथवा उल्लेख आढळत नाही. हे शहर कुठल्या काळी, कुणी बनविले ह्याची देखील कुठेही माहिती नाही. पुरातत्व विभागाने ह्याचा शोध घेण्याचे अनेक प्रयत्न केले पण सर्व अयशस्वी ठरले.

५. Goseck Circle: The Murder Observatory :

 

mysterious-structures-inmarathi01
pinterest.com

१९९१ साली ह्या गोलाकार आकृतीला आकाशातून बघण्यात आलं होत. ११ वर्षांची मेहनत आणि शोधानंतर देखील जर्मनी पुरातत्व विभाग ह्या ठिकाणाच रहस्य जाणण्यास अयशस्वी ठरला.

आधी तर हे एखाद्या सामान्य आकृती प्रमाणे दिसलं, पण जेव्हा ह्याचा तपास करण्यात आला तेव्हा हे किती जुनं असू शकते ह्याचा अंदाज लावण्यात आला.

पुरातत्व विभागाच्या मते ही वास्तू ७ हजार वर्ष जुनी आहे. पण ह्याहून अधिक काहीही पुरातत्व विभागाच्या हाती लागलेलं नाही.

===

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | Copyright © InMarathi.com | All rights reserved.

One thought on “ह्या गूढ वास्तू तुमच्याआमच्या भोवती आहेत…पण त्या मागचा अगम्य इतिहास कुणालाच ठाऊक नाही

  • July 25, 2018 at 10:24 pm
    Permalink

    तुमचे लेख माहितीपूर्ण आणि रंजक असतात. त्यामुळे थोड्या कालावधीतच आपल्या लेखांबद्दल मनात अतिशय आकर्षण निर्माण झाले आहे. आणि मराठी भाषेत आम्हा सामान्य वाचकांसाठी नवनवीन माहिती समोर आणून आपण चांगले कार्य करत आहात. याबद्दल आपण अभिनंदनास पात्र आहात.

    मात्र काही लेखांची शीर्षके आणि त्या लेखातील मजकूर यांचा ताळमेळ लागत नाही. काहीतरी सनसनाटी निर्माण करायची इतकाच हेतू डोळ्यांसमोर ठेवून आपण आपली पत घालवून घेता असे वाटते. आता या लेखाचेच पहा. शीर्षक आहे, ‘पुरातत्व खात्याने या वास्तूंचा शोध तर लावलाय, पण त्यांची खरी कहाणी लोकांपासून दूर ठेवलीय…’ शीर्षक वाचताक्षणी पुरातत्व खाते सामान्यांची दिशाभूल करण्यासाठी खऱ्या गोष्टी लपवून चुकीची माहिती प्रसृत करत आहे, असा बोध होतो.

    मात्र संपूर्ण लेख वाचला असता शोधल्या गेलेल्या सर्वच वास्तूंबाबत पुरातत्व खाते/संशोधक यांना त्याबाबत कसलीही माहिती नाही, असाच उल्लेख केला गेला आहे. मग पुरातत्व खात्याने त्यांची खरी कहाणी लोकांपासून दूर ठेवली आहे, असं म्हणण्याचा मूर्खपणा करण्याचे कारण समजत नाही.

    असो! आपण योग्य तो बोध घेऊन सुधारणा कराल एवढीच माफक अपेक्षा…

    Reply

Leave a Reply

Your email address will not be published. Required fields are marked *