सचिनने ‘तो’ निर्णय घेतला नसता तर आज भारतीय क्रिकेटची परिस्थितीच वेगळी असली असती…

आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा : facebook.com/InMarathi.page

===

आज क्रिकेटमध्ये अमूलाग्र बदल होत आहेत. नुकतेच इंग्लंड क्रिकेट संघाने एकदिवसीय सामन्यातील सर्वोच्च धावसंख्या नोंदवली ती म्हणजे ४८१-६. जास्त नाही पण दहा वर्षांपूर्वी असं भाकीत कुणी वर्तविलेअसते तर किती लोकांनी यावर विश्वास ठेवला असता. या सामान्या नंतर एका व्यक्ती ने ट्विटर वर एक ट्विट केले..

‘आज जरी एकवेळ सहज शक्य वाटत असताना इंग्लंड ला ५०० धावा करता आल्या नसल्या तरी एकदिवसीय सामन्यात ५०० धावा फार दूर नाहीत..’

यावर हजारो लोकांनी सहमती दर्शवली. परंतु दहा-बारा वर्षांपूर्वी स्थिती अशी नव्हती. २०-२० क्रिकेटनंतर क्रिकेटचे स्वरूप बदललेले दिसते. या क्रिकेटचे ढोबळमानाने २ भागात विभाजन करता येईल. टी ट्वेंटी पूर्वीचे क्रिकेट आणि नंतरचे क्रिकेट. आणि या दोन्ही क्रिकेटला जोडणारा एखादा खेळाडू असेल तर तो सचिन तेंडुलकर.

 

Sachin-inmarathi
media3.bollywoodhungama.in

भारता सारख्या देशात क्रिकेटला लोकप्रियतेच्या शिखरावर नेण्यात त्याचा वाटा मोठा आहे. १९८९ साली पदार्पण केल्यापासून २०१३ साली निवृत्ती घेईपर्यंत २४ वर्षात त्याने क्रिकेटचे हे बदलते स्वरूप पाहिले आणि प्रत्येक बदलाला आत्मसात करत गेला. सचिन नसता तर आज क्रिकेट त्यातही भारतीय क्रिकेट कसे असते?


जर तर ला काही अर्थ नसतो म्हणतात पण एकदा विचार करून बघा….कदाचित तो निर्णय सचिन ने नसता घेतला तर तो क्रिकेट खेळला नसता.

१९८४ साली, नुकताच भारताने एकदिवसीय सामन्यांचा विश्वचषक जिंकला होता. देशभर क्रिकेटचे वारे वाहत होते. मुंबई हे शहर त्यात आघाडीवर होते. सचिन तेंव्हा ११ वर्षांचा होता. सचिन घरात सर्वात धाकटा. क्रिकेट तो खेळायचाच पण एक अडचण होती, सचिन ज्या इंग्रजी माध्यमाच्या शाळेत शिकायचा त्या शाळेची क्रिकेट टीम नव्हती.

वडील लेखक असल्याने सचिनचे घर बांद्र्याला साहित्यसहवास येथे होते. शाळाही जवळच. परंतु शाळेचा क्रिकेटचा संघ नसला तरी सचिनने क्रिकेट शिकावं म्हणून त्याचा भाऊ अजित त्याला घेऊन रमाकांत आचरेकर सरांकडे घेऊन गेला.

 

sachin_tendulkar_inmarathi
imgci.com

आचरेकर सर शरदाश्रम विद्यालयातील मराठी आणि इंग्रजी माध्यमाच्या क्रिकेट संघाचे कोच होते. त्यांनी सचिनला मार्गदर्शन करण्याची तयारी दर्शविली पण त्यासाठी त्याने शरदाश्रममध्ये प्रवेश घ्यावा अशी अट ठेवली. शरदाश्रम विद्यालय आहे दादरला आणि सचिन राहायचा बांद्राला शिवाय बांदर्याहून दादर पर्यंत सरळ बससेवा नव्हती म्हणजे सचिनला बस बदलून जावे लागले असते.

अकरा वर्षाच्या सचिनला दररोज सकाळी सात वाजेपर्यंत २ बस बदलून शाळेत जावे लागणार होते.

शाळा बदलाचा निर्णय घेण्याची जबाबदारी आता सचिनच्या वडिलांवर होती, त्यांनी मध्यम मार्ग काढायचा प्रयत्न केला, तो असा, की उन्हाळी सुट्ट्यात क्रिकेट खेळायचे आणि पूर्णवेळ आपल्या अभ्यासाकडे लक्ष द्यायचे. सचिन घरात सर्वात लहान होता, परंतु सर्वांनी सचिनला तू जो निर्णय घेशील त्याला आमचा पाठिंबा राहील असा विश्वासही दिला.

सचिनने शाळा बदलायचा निर्णय घेतला. आपली आवड जोपासताना कराव्या लागणाऱ्या त्यागाची तयारी तेंव्हाच त्याने केली होती. त्याचा हाच निर्णय पुढे भारतीय क्रिकेटचे भविष्य बदलणार होता.

===

आमचे इतर लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright © InMarathi.com | All rights reserved.

Leave a Reply

Your email address will not be published. Required fields are marked *