सुनील गावसकरांनी आपल्या आईबद्दल सांगितलेला हा किस्सा तुम्ही वाचायलाच हवा!

आमच्या इतर लेखांच्या अपडेट्स मिळवण्यासाठी आमच्या फेसबुकपेजला नक्की Like करा: facebook.com/InMarathi.page

===

भारतीय क्रिकेटमधील महान फलंदाजांची जर यादी बनवायची म्हटली तर त्यात लिटील मास्टर सुनील गावस्कर यांचे नाव वरच्या क्रमांकामध्ये येईल यात शंका नाही. त्यांनी गाजवलेला काळ आजही लोकांच्या आठवणीमध्ये आहे आणि हीच गोष्ट त्यांची फलंदाजी किती उत्कृष्ट होती हे सिद्ध करण्यास पुरेशी आहे.

आजही नवोदित क्रिकेटर्स सचिन नंतर कोणत्या क्रिकेटपटूची पूजा करत असतील तर ते आहेत – सुनील गावस्कर…

 

sunil-gavaskar-marathipizza
cricbuzz.com

भारताच्या कर्णधार पदाची धुरा सांभाळताना देखील त्यांनी भारतीय क्रिकेटचा संपूर्ण जगामध्ये डंका वाजवला. अश्या या महान क्रिकेटरने नुकतच एका समारंभात आपल्या सिलेक्शनचा किस्सा सांगितला.


म्हणजे जेव्हा ते फक्त एका लोकल टीममधुन खेळणारे खेळाडू होते. त्यांना घरचे नातेवाईक आणि आजूबाजूचे लोक सोडले तर कोणीही ओळखत नव्हते, पण सर्वांना ही गोष्ट माहित होती की, ते उत्तम क्रिकेट खेळतात आणि जर त्यांना संधी मिळाली तर ते खूप यश मिळवू शकतात. हीच गोष्ट हेरली भारतीय सिलेक्शन टीमने.

 

sunil-gavaskar-marathipizza01
timesofindia.indiatimes.com

स्थानिक पातळीवर मैदान गाजवणारे सुनील गावस्कर त्यांच्या नजरेत आले होते आणि म्हणूनच १९७१ च्या वेस्ट इंडीज विरुद्धच्या कसोटी दौऱ्यासाठी करण्यात येणाऱ्या सिलेक्शनमध्ये त्यांच्याही नावाची चर्चा होती.

याबद्दलचा किस्सा शेअर करताना सुनील गावस्कर सांगतात,

माझी निवड होईल की, नाही याबद्दल मला खात्री नव्हती. सिलेक्शनचे रिजल्ट डिक्लेअर होण्याचा दिवस उजाडला होता. मी दादर स्टेशनवर उभा होतो. तेवढ्यात ट्रेन आली आणि मी घरी निघालो. एव्हाना दौऱ्यासाठी अंतिम टीमची निवड झाली होती, परंतु त्यात माझे नाव होते की नाही हे मला माहित नव्हते. ते मला घरी जाऊनच कळणार होते.

मनात धाकधूक सुरु होती. घाबरल्या मनानेच मी घरी पोचलो. आई समोर आली, तिने गेट उघडला परंतु ती काहीही बोलली नाही. मी अजूनच अस्वस्थ झालो. पण आईकडे पाहिल्यावर एक गोष्ट माझ्या नजरेतून सुटली नाही, ती म्हणजे तिच्या चेहऱ्यावर आनंद होता. पण कदाचित मुद्दामच तो आनंद ती मला दाखवू इच्छित नव्हती.

मला तिच्या चेहऱ्यावरील लपलेला आनंद कळला. मी खुश झालो. घरात शिरल्यावर विनू माकंड यांचा फोन आला आणि ते म्हणाले,

“अभिनंदन सुनील, तुझा भारतीय टीममध्ये समावेश झाला आहे. जा आणि बिनधास्त बॅटिंग कर.”

हे ऐकल्यावर माझा चेहर खुलला. मी आईकडे पाहिलं. आता मात्र तिच्या चेहऱ्यावर माझ्यापेक्षा जास्त आनंद दिसत होता. आपल्या मुलाला मिळालेली ही जीवन बदलणारी संधी पाहून कोणत्याही आईला आभाळ ठेंगण झालं असतं. त्या दिवशी तिला माझ्याबद्दल वाटणारा अभिमान मला साफ दिसत होता.

 

sunil-gavaskar-marathipizza02
cricketcountry.com

हा किस्सा सांगताना सुनील गावस्कर काहीसे भावूक झाले होते.

कोणत्याही महान व्यक्तीसाठी तो एक क्षण असतो जो त्याचे अख्खं जीवनच बदलून टाकतो आणि सुनील गावस्कर यांच्याबाबतील हा तोच क्षण आहे, जो ते कधीही विसरू शकत नाहीत.

 

sunil-gavaskar-marathipizza03
hindustantimes.com

त्या दिवशी त्यांचा आंतरराष्ट्रीय क्रिकेट जगतात जो प्रवेश झाला, तो जणू इतिहास घडवण्यासाठीच. सचिनच्या आधी भारतीय क्रिकेटप्रेमींनी कोणाला डोक्यावर घेऊन मिरवलं असेल तर केवळ सुनील गावस्कर यांनाच.

 

===

आमचे इतर लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright © InMarathi.com | All rights reserved.

Leave a Reply

Your email address will not be published. Required fields are marked *