एकेकाळी विश्वचषक गाजवणारा हा क्रिकेटर आज उपजीविकेसाठी संघर्ष करतोय!

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम |

===

आपल्या देशाची जर्सी घालून देशासाठी विश्वचषक खेळणं हे तर प्रत्येक क्रिकेटरचं स्वप्न असतं. आणि ज्याचं हे स्वप्न प्रत्यक्षात उतरतं ते खरंच नशीबवान असतात.

आज तर क्रिकेट हा केवळ एक खेळ राहिला नसून एक करिअर ऑब्जेक्टिव्ह बनला आहे. एकदा का भारतीय क्रिकेट टीम मध्ये सामील झालं तर तुमचं करिअरच बनून जातं.

क्रिकेट म्हंटलं कि आपल्यासमोर उभे राहतात ते गावस्कर, तेंडुलकर, कपिल देव, विराट कोहली असे दमदार खेळाडू! आणि ते अगदी साहजिकच आहे, या खेळाडूंनी स्वतःच असं एक स्थान निर्माण  केलं आहे!

पण असा कुणी खेळाडू आठवतोय का ज्याला हे एवढं स्टारडम कधीच मिळाला नाही त्याच कर्तृत्व तेवढं मोठं असून देखील?

Cricket-generic-Getty-social InMarathi

तर हो असा एक खेळाडू आहे ज्याच्या विषयी आज आपण जाणून घेणार आहोत!

ज्याने केवळ भारताकडून विश्वकप खेळला नाही तर त्या टूर्नामेंटचा तो हिरो देखील ठरला. पण आज तोच खेळाडू हलाखीचे जीवन जगत आहे.

bhalaji damor 1 InMarathi

 

एकीकडे जिथे महेंद्रसिंह धोनी, विराट कोहली सारखे मोठे खेळाडू आपल्या खेळाच्या जोरावर आज देशातील सर्वात श्रीमंत व्यक्तींमध्ये येतात. तिथेच एक असा खेळाडू देखील आहे जो अतिशय गरिबीत आपले जीवन जगत आहे.

आपल्या उपजीविकेसाठी म्हशी चारत फिरतो आहे.

bhalaji damor 2 InMarathi

आम्ही एका अशा क्रिकेटर बद्दल बोलत आहोत ज्याने भारतासाठी सर्वाधिक विकेट्स घेतले. तसेच त्यांनी अनेक रेकॉर्ड्स देखील आपल्या नावे केले.

ह्या खेळाडूच्या शानदार खेळाला बघून त्याच्या सोबतच्या खेळाडूंनी त्याला सचिन तेंडूलकर ह्या नावाने हाक मारण्यास सुरवात केली. हा खेळाडू म्हणजे भालाजी डामोर.

bhalaji damor 3 InMarathi

 

 

भालाजी डामोर हे एक असे खेळाडू होते. ज्यांनी १९९८ सालच्या वर्ल्डकपमध्ये एका ऑलराउंडर खेळाडूच्या रुपात भारताचे प्रतिनिधित्व केले होते. ह्याच खेळाडूच्या उत्कृष्ट खेळाच्या जोरावर भारताने सेमी फायनल पर्यंतची मजल गाठली होती.

१९९८ च्या ब्लाइंड क्रिकेट वर्ल्ड कपमध्ये भालजी हे एक हिरो म्हणून समोर आले होते. ऑलराउंडर भालजी ह्यांच्या नावे नेत्रहीन क्रिकेटमध्ये सर्वाधिक विकेट म्हणजेच १५० विकेट घेण्याचा रेकॉर्ड आहे.

भालजी डामोर यांनी एक फलंदाज म्हणून ३००० पेक्षा धावा काढल्या असून दुर्दैवाने सध्या त्यांची आर्थिक परिस्थिती अत्यंत बिकट आहे,सध्या त्यांचे मासिक वेतन हे केवळ ३००० रुपये इतकेच आहे!

bhalaji damor 4 InMarathi

गुजरातच्या एका साधारण शेतकरी कुटुंबातील नेत्रहीन ३८ वर्षीय भालजी ह्यांना वाटायचं की वर्ल्डकप नंतर त्याचं जीवन थोडं सुधारेल. पण तेवढं त्याचं नशीब कुठे.

१९९८ च्या वर्ल्डकपला आज १९ वर्ष उलटली पण देशाचे नावं क्रिकेट विश्वात गाजवणारे भालाजी आजही त्यात परिस्थितीत आपले जीवन जगत आहेत. आजही त्यांना पोटाची खळगी भागविण्यासाठी म्हशी चारत फिरावे लागत आहे.

अंध असून सुद्धा त्यांनी आपल्या देशाच्या स्पोर्ट्स मध्ये इतके मोठे योगदान देऊन सुद्धा आज त्यांच्यावर हि वेळ येणं अत्यंत दुर्दैवी आहे! आज ज्या माणसाने दिसत नसूनही देशाला विश्वचषक मिळवून दिला त्याच्या हलाखीच्या परीस्थितीत लोकांनी त्यांच्याकडे दुर्लक्ष केलं!

 

bhalaji-damor-inmarathi03
india.com

 

तेव्हाचे तत्कालीन राष्ट्रपती के नारायण यांनी देखील त्यांच्या उत्कृष्ट खेळाची प्रशंसा केली होती. आणि आज त्याचं खेळाडूला एवढ्या हलाखीच्या परिस्थितीत जगावे लागत आहे. एवढचं नाही तर त्यांच्या पत्नी अनु ह्या देखील शेतात काम करून त्यांची मदत करतात.

आपल्या ह्या अवस्थेवर भालाजी म्हणतात की,

“गुजरात सरकारने त्यांची प्रशंसा तर केली पण त्यांना एक चांगली नोकरी देऊ शकले नाही.”

आज जिथे आपल्या देशात क्रिकेटला आणि क्रिकेटर्सला देखील अक्षरशः डोक्यावर घेतात. आणि त्याच्या जोरावर ते करोडो कमावतात एवढचं नाही तर त्यांना चांगल्या पदाची नोकरी देखील दिली जाते.

bhalji damor1 InMarathi

शिवाय याच बरोबर जे अजिबात चांगले खेळत नाही किंवा ज्यांची इमेज अजिबात चांगली नाही अशा खेळाडूंना सुद्धा जारो ते खेळत नसले तरी त्यांना त्यांचं उपजीविकेचं साधन मिळवून दिलं जातं!

पण मग भुलाजी डामोर यांच्याच बाबतीत हे सगळं का शक्य झालं नाही किंवा अजूनही होत नाही हा प्रश्न सरकारला किंवा स्पोर्ट्स असोसिएशन च्या सदस्यांना विचारावासा वाटतो???

याच देशात एकेकाळचा उत्कृष्ट खेळाडू आज एक सन्मानाचे जीवन जगण्यासाठी संघर्ष करतो आहे, हि खरंच खूप दुर्दैवी गोष्ट आहे! आपल्या चॅम्पियन्स चा मान आपणच नाही ठेवला तर कोण ठेवणार?

===

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | Copyright © InMarathi.com | All rights reserved.

4 thoughts on “एकेकाळी विश्वचषक गाजवणारा हा क्रिकेटर आज उपजीविकेसाठी संघर्ष करतोय!

  • March 3, 2018 at 7:33 am
    Permalink

    In marathi.com is an Organization.Why don’t you approach Narendra Modi thr MYGOVT.IN ?

    Reply
  • March 3, 2018 at 7:35 am
    Permalink

    WHY DON’T YOU WRITE TO PM NARENDRA MODI THR’ MYGOVT.IN ?

    Reply
  • February 14, 2020 at 12:41 pm
    Permalink

    how to help him

    Reply

Leave a Reply

Your email address will not be published. Required fields are marked *

error: चोरी करणं अनैतिक आहे. असं कृत्य का करताय?