ट्रेनमध्ये भीक मागणाऱ्या प्राध्यापकाची कथा

आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page

===

आजकाल माणसातली माणुसकी राहिलेली नाही असचं चित्र सर्वत्र बघायला मिळत. पण आजही या जगात अशी काही माणस आहेत जी या माणुसकीला जपतात. यापैकीच एक म्हणजे संदीप देसाई… ज्यांनी आपल्यातली माणुसकी जपत ट्रेनमध्ये वर्तमानपत्रे विकली, एवढचं नाही तर त्यांनी भीक देखील मागितली… चला जाणून घेऊ कोण आहेत संदीप देसाई आणि त्यांना असं का करावं लागलं.

 

sandip desai-inmarathi01
huffingtonpost.in

NDTV च्या एका रिपोर्टनुसार संदीप देसाई हे २०१२ साली मुंबईच्या लोकल ट्रेन्स मधील एक सर्वपरिचित चेहरा होते. महाराष्ट्र आणि राजस्थान येथील गरीब मुलांना इंग्रजी माध्यमातून शिक्षा प्राप्त करत यावी याकरिता ते लोकल ट्रेनमधील प्रवाश्यांकडे भिक मागून पैसे गोळा करायचे. यासाठी एकदा त्यांना पकडण्यात देखील आले आहे.

 

sandip desai-inmarathi05
huffingtonpost.in


पण ते म्हणतात ना, प्रयत्न करणारा कधी हारत नसतो, अखेर संदीप देसाई हे त्यांच्या ध्येयात यशस्वी झाले आणि त्यांनी २०१० ते १०१२ दरम्यान ५० लाखापेक्षा जास्त पैसा गोळा केला.

यासंबंधी NDTV सोबत बोलताना एका प्रवाश्याने सांगितले होते की, ‘मी दोन वर्षांपासून याच गाडीने प्रवास करतोय आणि मी त्यांना येथे रोज बघतो, जर ते खरे नसते तर ते रोज येथे आले नसते.’

 

sandip desai-inmarathi04
youtube.com

पुढे त्यांनी सांगितले की, भारतात अशी मुलं खूप आहेत जी केवळ पैश्याअभावी शिक्षण घेण्यात असमर्थ आहेत. जर आमच्या छोट्याश्या योगदानाने त्यांना शिकायला मिळत असेल तर याहून चांगल काहीच नाही.’

संदीप देसाई हे मुंबई येथील राहणारे आहेत. आधी ते मरीन इंजिनिअर होते त्यांनतर त्यांनी मॅनेजमेंट कॉलेजमध्ये शिकविण्यास सुरवात केली.

सर्वात आधी त्यांनी त्यांची ही कल्पना त्यांचे मित्र नुरुल इस्लाम यांना सांगितली होती, ज्यानंतर नुरुल यांनी देखील त्यांची या कामात मदत केली.

 

sandip desai-inmarathi06
huffingtonpost.in

सहा वर्षानंतर अखेर संदीप यांनी त्याचं ध्येय गाठलं. २०१६ साली संदीप यांची महाराष्ट्रातील दुष्काळग्रस्त यवतमाळ जिल्ह्यात आणि उदयपूरमधील सिपकोड, सादकडी आणि नवीनजार गावात एक-एक शाळा होती. यवतमाळ येथील शाळेत दुसऱ्या वर्गापर्यंत १८० विद्यार्थी आणि ५ शिक्षक आहेत. तर उदयपूर येथील तीन शाळांत ३१० विद्यार्थी असून ७ शिक्षक आहेत. त्यांची यवतमाळ आणि उदयपूर येथील एका शाळेला शासन मान्यता देखील प्राप्त आहे.

 

sandip desai-inmarathi03
huffingtonpost.in

असे हे संदीप देसाई ज्यांनी गरीब मुलांना शिकविण्यासाठी एक प्राध्यापक असून देखील भिक मागितली. जेणेकरून या देशाचं भविष्य सुधारावं. निश्चितच त्यांचा हा प्रवास काही सोपा नसणार, तरीही त्यांनी ही कामगिरी करून माणुसकीची एक वेगळीच परिभाषा मांडली आहे.

===

आमचे इतर लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright (c) 2017  InMarathi.com | All rights reserved.

Leave a Reply

Your email address will not be published. Required fields are marked *