वसीम अक्रम म्हटला, “मम्मी से पूछके आया क्या?”, सचिनने दिलेल्या उत्तराने त्याचे धाबे दणाणले!

आमचे सर्व लेख मिळवण्यासाठी फॉलो करा : फेसबुक | ट्विटर

===

क्रिकेट हा आपल्या देशातील सगळ्यात लोकप्रिय खेळ आहे. क्रिकेट न आवडणारा भारतीय विरळच. आपल्या देशात अनेक प्रसिद्ध क्रिकेटपटू जन्माला आले आणि त्यांनी जागतिक क्रिकेटमध्ये आपल्या नावाचा दबदबा निर्माण केला.

ह्या सगळ्यात प्रमुख नाव आहे ते म्हणजे सचिन तेंडुलकर ह्याचे.

क्रिकेटच्या सगळ्याच प्रकारात सचिन तेंडुलकर ह्याच्या नावावर जवळपास सगळेच विक्रम आहेत. जवळपास २२ वर्ष सचिन भारताकडून आंतराष्ट्रीय क्रिकेट खेळले. पण ह्या सगळ्या प्रवासाची सुरवात फार मजेशीर आहे.

१९८८ साली सचिन तेंडुलकरने मुंबई संघाकडून आपला पहिला रणजी सामना खेळला आणि पहिल्याच सामन्यात त्याने शतक मारून आपल्या आगमनाची वार्ता पूर्ण जगाला दिली.

ह्यावेळी सचिनचे वय होते फक्त १५ वर्षे. त्याच्या रणजी सामन्यातील धडाक्याने त्याला लगेचच भारतीय संघात जागा मिळवून दिली.


 

sachin ranaji inmarathi
News18.com

फक्त सोळा वर्ष वय असलेला सचिन आपला पहिला सामना खेळण्यासाठी सज्ज झाला. महत्वाची गोष्ट म्हणजे हा सामना त्याला भारताच्या बाहेर खेळायचा होता आणि तो सुद्धा पाकिस्तानमध्ये पाकिस्तानच्याच विरुध्द.

त्यावेळी पाकिस्तानचा संघ हा जगात सगळ्यात चांगले गोलंदाज असणारा संघ मनाज जात होता.

इम्रान खान, वासिम अक्रम, वकार युनुस हे जगातले सगळ्यात घातक वेगवान गोलंदाज पाकिस्थानाच्या संघात होते.

सचिनबद्दल त्यावेळी जागतिक क्रिकेटमध्ये फार चर्चा होती. पाकिस्तानच्या संघाने सुद्धा सचिन बद्दल खूप ऐकले होते. सचिन हा मुंबईचा सोळा वर्षे वयाचा अत्यंत प्रतिभाशाली खेळाडू होता हे पाकिस्तानच्या सुद्धा सगळ्या खेळाडूना माहित होतं.

 

sachin vs wasim inmarathi
circleofcricket.com

पण जेव्हा सचिन आपला पहिला सामना खेळायला मैदानात उतरला तेव्हा पाकिस्तानच्या सगळ्याच खेळाडूंना आश्चर्य वाटले.

ह्या प्रसंगाबद्दल त्यावेळी मैदानात असलेला पाकिस्तानचा गोलंदाज वासिम अक्रम ह्याने एका मुलाखतीत माहिती दिली.

अगदी बालिश चेहरा आणि लांब कुरळे केस असणारा सचिन हा आपल्या खऱ्या वयापेक्षा सुद्धा खूप लहान वाटत होता.

वासिक अक्रमला तर तो चौदा वर्षांचा शाळेत जाणारा मुलगाच वाटला होता आणि तो जेव्हा मैदानात फलंदाजी करायला आला तेव्हा त्याला चिडवण्यासाठी वासिम अक्रमने त्याला विचारले की तो खेळायला यायच्या आधी आपल्या आईला विचारून आलाय ना ?

 

sachin tendulkar young inmarathi
Rediff.com

सचिनने ह्यावर काही उत्तर दिल नाही. मात्र ह्या आपल्या पहिल्याच मालिकेत सचिनने दाखवून दिले की तो येणाऱ्या काळात काय करणार आहे. ह्या मालिकेत त्याने काही चांगल्या भागीदारी मध्ये सहभाग दिला आणि भारताला पराभवाच्या छायेतून बाहेर काढले.

ह्या मालिकेतील एका सामन्यात तर सचिन फलंदाजी करत होता आणि समोर वकार युनुस आपल्या वेगवान गोलंदाजीने आग ओकत होता.

त्याचा एक उसळणारा चेंडू सरळ सचिनच्या नाकावर येऊन आदळला आणि त्याच्या नाकातून रक्त वाहायला लागले.समोरच्या बाजूला फलंदाजी करणारा नवज्योतसिंग सिद्धू काळजीने त्याच्या जवळ आला.

डॉक्टरने मैदानात येऊन थोडा प्रथमोपचार केला आणि त्याला आपल्याबरोबर बाहेर घेऊन जाऊ लागला.

आता भारत पराभवाच्या छायेत होता. तेवढ्यात सचिनने डॉक्टरला सांगितले की त्याला बाहेर जायचे नाही तर भारताला पराभवाच्या छायेतून बाहेर काढायचे आहे.

 

sachin tendulkar first match inmarathi
Times of India

सिद्धू आणि डॉक्टर दोघेही हे ऐकून आश्चर्यचकित झाले. नाकावर पट्टी बांधून सचिनने आपल्या संघाला पराभवाच्या छायेतून बाहेर काढले.

नंतर सुद्धा सचिनने त्याला तोंडाने काहीही बोलणाऱ्याला कधीच तोंडाने उत्तर दिले नाही तर आपल्या फलंदाजीने त्याला गप्प केले. ह्यात अनेक जणांचे नाव येते.

झिम्बावेचा जलदगती गोलंदाज हेन्री ओलंगा एका सामन्यात सचिनला बाद केल्यानंतर त्याच्या समोर जाऊन खूप जोरात नाच केला होता आणि त्याला विचित्र हावभाव करून दाखवले होते.

 

sachin vs zimbambwe inmarathi
Indiatimes.com

सचिन खाली मान घालून चुपचाप मैदानाच्या बाहेर गेला होता मात्र पुढच्या सामन्यात पहिल्या चेंडू पासून हेन्द्री ओलंगाची धुलाई सुरु झाली. पूर्ण सामन्यात सचिनने त्याची एवढी धुलाई केली की त्यानंतर त्याने कधीच सचिनचा अपमान करायचा विचार सुद्धा केला नाही.

सचिनला त्याचे वय आणि लहान दिसणे ह्यावरून बोलणे वासिम अक्रमला सुद्धा फार महागात पडले आणि पुढची जवळपास १० ते १२ वर्षे सचिनने वासिम अक्रमची धुलाई केली.

वासिम अक्रमच्या शेवटच्या सामन्यात म्हणजे २००३ साली विश्वचषक सामन्यात सुद्धा सचिनने वासिम अक्रमची जोरदार धुलाई केली आणि भारताला एकहाती विजय मिळवून दिला.

ज्याप्रमाणे सचिन शेन वॉर्नला स्वप्नात दिसायचा अगदी तसाच वासिम अक्रमला त्याची कारकीर्द संपेपर्यंत सचिनने त्याच्या बोलण्याची शिक्षा दिली.

===

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | Copyright © InMarathi.com | All rights reserved.

 

Leave a Reply

Your email address will not be published. Required fields are marked *