भेटा पृथ्वीवरील सर्वात आनंदी व्यक्तीला!

आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page

===


 

माणूस जास्तीत जास्त किती आनंदी असू शकतो ह्याचा अंदाज आपण लावू शकत नाही, कारण आनंदाला प्रमाण नाही, आनंद कोणत्याही गोष्टीतून मिळू शकतो, तो कधी जास्त असू शकतो, तर कधी फारच कमी! पण सध्याच्या नैराश्याच्या युगात कोणताही माणूस पूर्णत: आनंदी असणे जवळजवळ अशक्यच आहे असे तुम्ही मानत असाल. पण आज आम्ही तुमची अश्या व्यक्तीसोबत भेट घडवणार आहोत जो पृथ्वीवरचा सर्वात आनंदी व्यक्ती म्हणून ओळखला जातो. विश्वास बसत नाही, मग ही गोष्ट तुम्ही जाणून घेतलीच पाहिजे!

Matthieu Ricard-marathipizza01
tedcdn.com

एक असे व्यक्ती आहेत जे १९९१ साली अखेरच्या वेळी दुःखी झाले होते. त्यानंतर आजपर्यंत ते आनंदीच आहेत. यामागचे कारण जाणून घेण्यासाठी अमेरिकेच्या विद्यापीठाने १२ वर्षे रिसर्च केला. त्यासाठी त्यांच्या मेंदूला २५६ सेंसर लावण्यात आले. त्या सर्वानंतर स्वतः युनायटेड नेशन (UN) ने त्यांना पृथ्वीवरील सर्वात आनंदी व्यक्ती म्हणून स्वीकारले. त्यांनी 45 वर्षात आनंदी राहणे किंवा आनंदी ही सवयच बनवून घेतली आहे.

मॅथ्यू आपल्याविषयी सांगताना म्हणतात की,

मी फ्रान्समध्ये जन्मलो. १९७१-७२ पासून मी कायम आनंदी राहण्याचा प्रयत्न करू लागलो. तशी सवय लावून घेण्याचा प्रयत्न करू लागलो. या ४५ वर्षांत मी स्वतःवरच अनेक प्रकारचे रिसर्च केले. त्यातून आनंदी राहण्याचे विविध वैज्ञानिक मार्ग मी शोधलो. हीच माझ्या जीवनातील सर्वात मोठी संपत्ती आहे.

मॅथ्यू यांनी आनंदी राहण्यासाठी अगदी सोपे असे पाच फॉर्म्युले सांगितले आहेत. किमान तीन महिने या पद्धती फॉलो केल्या तर तुम्हीही स्वतःला आनंदी राहण्याची ही सवय लावून घेऊ शकता. तसे तर मॅथ्यू आनंदी राहण्यासाठी मेडिटेशनसह इतर अनेक पद्धतींचा अवलंब करतात.

व्यक्तीच्या मेंदूमध्ये आनंद, दुःख, राग, प्रेम आणि इतर भावनांशी संबंधित वेगवेगळे केमिकल्स असतात. त्यांच्या अॅक्टीव्ह आणि डिअॅक्टीव्ह होण्याने वेगवेगळ्या भावना निर्माण होत असतात. आनंदाबाबतही अशीच सिस्टीम असते. आपल्या मेंदूत कपाळाला लागून असलेला समोरील भाग आणि कानाच्यावर उजव्या बाजुला आनंदाशी संबंधित 2 भाग असतात.  हॅप्पिनेस केमिकल्सचा विचार करता मेंदूत याची संख्या 4 असते. त्यांची नावे Dopamine, Oxytocin, Serotonin, Endorphins अशी आहेत. हे चारही केमिकल्स वेगवेगळ्या परिस्थितीत मेंदूत तयार होणाऱ्या आनंदाच्या भागात कमी जास्त प्रमाण झाल्याने आनंद कमी करतात किंवा वाढवतात.


Matthieu Ricard-marathipizza02
cdn.tricycle.org

७० वर्षीय मॅथ्यू म्हणतात की, आधी त्यांनाही इतरांप्रमाणे छोट्या छोट्या बाबींचे टेन्शन यायचे. १९७२ च्या सुमारास जेव्हा ते दार्जिलिंगमध्ये आले त्यावेळी त्यांना त्यांचे शिक्षक कांगयूर यांनी डे टू डे लाइफमध्ये आनंदी राहण्याचा मंत्र दिला. हळू हळू ती त्यांची सवय बनली.  हाच माझ्या जीवनातील यू टर्न ठरला असे मॅथ्यू सांगतात. त्यानंतर मी फ्रान्स सोडून दार्जिलिंग-नेपाळमध्ये राहण्याचा निर्णय घेतला.

व्यवसायाने शास्त्रज्ञ आणि पीएचडी प्राप्त मॅथ्यू यांनी सांगितले की, मला सर्वाधिक दुःख १९९१ सर्वात प्रिय शिक्षक आणि मला जगातील सर्वात आनंदी व्यक्ती बनवणारे Dilgo Khyentse Rinpoche यांच्या निधनाने झाले होते. त्यानंतर मी परत कधीही दुःखी झालो नाही.

हसत गमतीत ते म्हणाले की, मी जगातील सर्वात आनंदी व्यक्ती बनलो, तेच माझ्यासाठी दुःखाचे कारण बनले आहे. मी जेथेही जातो तेव्हा लोक मला आनंदाचा फॉर्म्युला विचारू लागतात.

Matthieu Ricard-marathipizza03
azquotes.com

मॅथ्यू यांनी सांगितले की, आनंदी राहण्याचे कारण जाण्यासाठी अमेरिकेच्या विस्कॉन्सिन साइंटिफिक युनिव्हर्सिटीच्या शास्त्रज्ञांनी त्यांच्या मेंदूवर १२ वर्षे संशोधन केले.  यादरम्यान त्यांच्या डोक्यावर २५६ सेंसर लावून अगदी वाईट स्थितीतही माझ्या मेंदूत काय सुरू आहे, त्याचे काम कसे सुरू आहे याचा अहवाल तयार केला.  या रिसर्चनुसार माझ्यात एक गॅमा वेव्ह आढळली. ती जगातील पार कमी लोकांमध्ये डेव्हलप होत असते. त्यात कोणत्याही स्थितीत व्यक्ती आनंदी राहण्याचे प्रमाण वाढते.

काय म्हणता? बसला ना विश्वास की का आहा हा पृथ्वीवरील सर्वात आनंदी व्यक्ती!


===

आमचे इतर लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright (c) 2017  InMarathi.com | All rights reserved.

Leave a Reply

Your email address will not be published. Required fields are marked *

error: चोरी करणं हे अनैतिक आहे. असं कृत्य का करताय?