प्रत्येक स्कूलबस पिवळ्याच रंगाची असण्यामागचं लॉजिक जाणून घ्या!

आमचे सर्व लेख मिळवण्यासाठी फॉलो करा : फेसबुक | ट्विटर

===

सध्या मुलाने चांगल्या शाळेत शिकाव्या या अपेक्षेने त्यांची घरापासून दूरच्या शाळेत रवानगी केली जाते पण बहुतेक वेळा ‘चांगल्या’ शाळा या घरापासून लांबच का असतात हे मात्र अजूनही न उलगडलेलं कोडच आहे.

असो, तर शाळेपर्यंत जाण्यासाठी मुलांकरिता स्कूलबस सुरु केली जाते. आणि ही स्कूल बस साधारणत: शाळेचीच असते.

school-bus-marathipizza01
indianexpress.com

तर या स्कूलबसबद्दल एक शंका तुमच्या मनात आली आहे का? कोणतीही स्कूलबस पहा ती पिवळ्या रंगाचीच असते. असे का? चला तर आज यामागचे उत्तर जाणून घेऊया!


तुम्हाला ऐकून आश्चर्य वाटेल पण ही गोष्ट खरी आहे की, शाळेच्या बसला पिवळा रंग देणे कायद्यानुसार बंधनकारक आहे. हे बंधन केवळ बस आकर्षक दिसावी यासाठी घालण्यात आले नसून त्यामागे एक महत्त्वाचे कारण देखील आहे.

हा पिवळा रंग यासाठी निवडण्यात आला, कारण हा रंग लगेच लक्ष वेधून घेतो. पिवळ्या रंगाची Wavelength 400 – 700 NM एवढी असते, त्यामुळेच पिवळ्या रंग दिवसाच्या सूर्यप्रकाशातही दूर अंतरावरूनही डोळ्यांना सहज दिसते.

 

school-bus-marathipizza02
3.bp.blogspot.com

स्टॉप लाइट्स आणि स्टॉप चिन्हे ही सामान्यतः लाल रंगांची असतात. त्यामुळे लोकांचा समज आहे की, लाल रंग हा लगेच लक्षात येणारा रंग आहे, पण तसे नाही आहे. पिवळा रंग हा कोणत्याही रंगापेक्षा कधीही जलद गतीने डोळ्यात भरतो.

धुक्यामध्ये किंवा कमी लाईट्समध्ये देखील पिवळा रंग हा चालकांना लगेच दिसतो, त्यामुळे अश्या वातावरणामध्ये स्कूलबस बंद वगैरे पडली की, मागून येणाऱ्या गाड्या ती स्कूलबस सहज पाहू शकतात.

अजून एक महत्वाची गोष्ट म्हणजे पिवळ्या रंगावर काळ्या रंगाचे अक्षर उठावदार दिसते. त्यामुळे पहाटेच्या वेळेस आपल्या मुलांना शाळेला सोडणाऱ्या पालकांना लांबूनच बस येत आहे हे समजते.

भारतातील सर्व शाळांना आपल्या शाळेच्या बसला बाहेरून सोन्यासारखा पिवळा रंग देण्याचे आदेश देण्यात आले आहेत.

आणि रंगाची ही शेडींग ही IS 5 – 1994 नुसार देण्यात यावे असा देखील नियम लागू करण्यात आलेला आहे. शाळेच्या बस वर असणाऱ्या पिवळ्या रंगाच्या या शेडींगला ‘नॅशनल स्कूल बस क्रोम’ असे नाव देण्यात आले आहे.

 

school-bus-marathipizza03
storiesfeed.net

काय? मिळालं ना तुमच्या शंकेचं उत्तर??! अहो मग शेअर करा आणि इतरांनाही सांगा की!

===

आमचे इतर लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright © InMarathi.com | All rights reserved.

One thought on “प्रत्येक स्कूलबस पिवळ्याच रंगाची असण्यामागचं लॉजिक जाणून घ्या!

  • May 9, 2019 at 3:39 pm
    Permalink

    उत्तम

    Reply

Leave a Reply

Your email address will not be published. Required fields are marked *