खेळण्यातली गाडी वापरून २ करोडच्या ऑडीचं भन्नाट फोटोशुट करणारा अवलिया

February 17, 2017July 30, 2020 इनमराठी टीम 5715 Views 1 Comment Audi Photoshoot, Audi r8 Photography, Felix Hernandez Rodriguez

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट

–

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

–

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

===

फोटोग्राफरची खरी ताकद त्याच्या कॅमेऱ्यात नसून त्याच्या क्रियेटीव्हीटीमध्ये असते. त्याच्या क्रियेटीव्हीटीमधून जे काही निर्माण करतो ते खऱ्या अर्थाने रसिकांना मोहून टाकते.

असे क्रियेटीव्ह फोटोग्राफर्स फारच कमी पाहायला मिळतात जे अगदी शून्यातून अगदी किंमती छायाचित्रे निर्माण करतात.

अर्थात सध्या फोटोग्राफर्सच्या भन्नाट कल्पनांना तंत्रज्ञानाची साथ मिळतेच, आणि त्यातून जो अविष्कार साधला जातो त्याची मजा काही औरच!

तुमच्यापैकी अनेकांना फोटोग्राफीची आवड असेल. काहींसाठी पॅशन तर काहींसाठी रोजगाराचं साधनही असेल.

पण फोटो काढताना आजुबाजुचा परिसर, वातावरण, प्रकाश, रंगसंगती हे सर्व काही व्यवस्थित असावं असंच आपल्याला वाटतं.

पण समजा, कोणतीही साधनं नसताना तुम्हाला सर्वोत्तम फोटो काढायचा असेल तर?

वरकरणी अशक्य वाटणारी ही किमया यापुर्वीच काहींनी साधलीय.

जाणून घेऊयात अशाच एका अवलियाबद्दल…

Felix Hernandez Rodriguez या फोटोग्राफर जगातील अश्याच काही क्रियेटीव्ह फोटोग्राफर्स पैकी एक होय!

त्याचे फोटोज अगदी रुक्ष माणसाच्या चेहऱ्यावर देखील आश्चर्याचे आणि कुतुहुलाचे भाव आणल्याशिवाय राहत नाहीत.

स्रोत

नुकतेच Felix Hernandez Rodriguez ने अनागी अशक्य कोटीतील कमाल करून दाखवली. त्याला २ करोडच्या ऑडीचं फोटोशुट करण्याची ऑफर आली होती.

आता इतक्या महागड्या गाडीचं फोटोशूट करायचं म्हणजे सहाजिकच ते एकदम हटके हवं.

त्यामुळे अतिशय सुंदर लोकेशन शोधून तेथे जाऊन गाडीसोबत हे फोटोशूट करावं लागणार असा विचार एखाद्या सामान्य फोटोग्राफारने केला असता.

पण या क्रियेटीव्ह माणसाने आपल्या नेहमीच्याच स्टाईलने जे काही कैद केलं ते कल्पनेपलीकडचं आहे.

स्रोत

त्याने खऱ्या कारच्या मॉडेलचा वापर न करता कंपनीकडे कारच्या एका छोट्याश्या प्रतिकृतीची मागणी केली. अगदी लहान खेळण्यातली कार वाटावी अशी प्रतिकृती!

कंपनीने अवघे २००० रुपये खर्च करून त्याला ती प्रतिकृती पाठवली.

ही कार जरी छोटीशी खेळण्यातली वाटत असली तरी ती अगदी हुबेहूब मूळ कार सारखीच होती. खऱ्या कार मध्ये आणि या छोट्याश्या खेळण्यातल्या कारमध्ये किंचितही फरक नव्हता.

या छोट्याश्या प्रतिकृतीचा वापर करून Felix Hernandez Rodriguez ने असे काही भन्नाट फोटोशुट केलेय की पाहणाऱ्याला वाटावे जाणून खऱ्या गाडीचा वापर यात केला असेल.

स्रोत

अजून एक महत्त्वाची गोष्ट म्हणजे या फोटोशुटमध्ये केवळ लाईट आणि इतर ईफेक्टस वापरण्यात आले होते. परंतु फोटोशूट आकर्षक दिसावे म्हणून कोणत्याही प्रकारच्या एडीटिंग सॉफ्टवेअरचा किंवा फोटोशॉपचा वापर करण्यात आलेला नाही.