या लोकप्रिय १८ सेलिब्रिटींच्या लग्नाचे फोटो तुम्हाला नक्की आवडतील!
आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट
===
मागील पाच वर्षात ‘सेलिब्रिटी कपल’ हा नवा ट्रेन्ड रुजताना दिसतो. मग ते आलिया भट आणि रणबीर कपूरच्या लग्नाची उत्सुकता असो वा नुकतीच अनुष्का शर्माच्या कुशीत विसावलेली छोटी पाहुणी असो.
सेलिब्रिटींच्या जीवनात काय घडतं? हा विषय चवीने चघळला जातो. त्यात आपल्या लाडक्या दोन कालाकारांचं सुत जुळतंय हे ऐकल्यावर तर फॅन्सचा आनंद गगनात मावनासा होतो.
रणबीर- आलिया, रणवीर – दिपीका ही त्यातलीच काही आघाडीची नावं. अर्थात पण हिंदी चित्रपटसृष्टीत सेलिब्रिटी कपल्स ही संकल्पना काही नवी नाही. यापूर्वी अनेक कलाकारांनी या मायानगरीत आपल्या पसंतीच्या सहकलाकाराशी साताजन्माच्या गाठी बांधल्या.
अर्थात यापैकी काहीजण आजही ‘हॅपिली मॅरिड’ म्हणतात तर काहींनी लग्नानंतर अवघ्या काही वर्षात ‘तुझं माझं जमेना’ म्हणत एकमेकांची साथ सोडली.
मात्र तरीही या जोड्या नेहमीच आपल्यासाठी आवडीचा विषय ठरतात.
म्हणूनच तुमच्या आवडत्या सिनेकलाकारांच्या लग्नातील काही दुर्मिळ फोटो नक्कीच बघा आणि त्यांच्याबाबतीत आणखीन जाणून घ्या या लेखात!
१. अभिषेक बच्चन – ऐश्वर्या राय बच्चन
२००७ साली अभिषेक ऐश्वर्या लग्नाच्या बेडीत अडकले, याआधी अभिषेक चे लग्न राणी मुखर्जी हिच्याशी होईल अशी अफवा होती पण नंतर त्यात काही तथ्य आढळून आले नाही!
अमिताभ बच्चन यांनी सुद्धा हे लग्न खूप थाटामाटात साजरं केलं ते सुद्धा मुंबईतल्या बऱ्याच मिडीया हाउसेस ना हाताशी घेऊन ते लग्न काही चॅनल्स ना दाखवायचे हक्क दिले!
२.ऋषी कपुर – नितु सिंग
ऋषी कपुर आणि नितु सिंग हि खूप आयकॉनिक अशी ऑनलाईन आणि ऑफलाईन केमिस्ट्री असलेली जोडी आहे, २२ जानेवारी १९८० मध्ये हि जोडी विवाहबंधनात अडकली, फिल्म्स मध्ये सुद्धा यांची जोडी खूप हिट झाली आणि खऱ्या आयुष्यात सुद्धा हि जोडी हिटच ठरली!
ऋषी कपूर यांच्या निधनानंतरही त्यांच्या आठवणीत रमलेल्या नितू कपूर सोशल मिडीयावर त्यांच्या आठवणींना उजाळा देतात.
यांचाच रणबीर कपुर हा सध्याच्या तरुण पिढीच्या गळ्यातला ताईत झाला आहे, त्याने सुद्धा बॉलिवूड वर स्वतःची अशी छाप पाडली आहे!
–
हे ही वाचा –
===
३. शाहरुख खान – गौरी चिब्बर
बॉलिवूडचा बादशाह शाहरुख खान याने २५ ऑक्टोबर १९९१ साली गौरी खान हिच्यासोबत लग्न केले, त्या वेळेस शाहरुख बॉलिवूड मध्ये पाय रोवायचे प्रयत्न करत होता आणि त्याची ओळख हि फक्त दूरदर्शन मध्ये काम करणारा एक ऍक्टर इतकीच होती!
तरीही त्याच्या मेहनतीवर आणि जिद्दीवर विश्वास ठेवून गौरीच्या आई वडिलांनी या दोघांचे लग्न लावून दिले, धर्म वेगळा असून सुद्धा त्यांना त्याची अडचण कधीच आली नाही!
४.राजेश खन्ना – डिंपल कपाडिया
हिंदी सिनेमाचा पहिला वहिला सुपरस्टार म्हणून ओळखल्या जाणाऱ्या राजेश खन्नाच फॅन फॉलोइंग कसलं मोठं होत हे कुणाला ठाऊक नाही? तर अशा या सुपरस्टारच्या प्रेमात डिंपल कपाडिया पडली!
केवळ १६ व्या वर्षी तिने मार्च १९७३ मध्ये राजेश खन्ना उर्फ काका यांच्याशी विवाह केला, त्या नंतर आठ महिन्यांनी तिचा पहिला सिनेमा बॉबी रिलीज झाला!
५. अमिताभ बच्चन – जया बच्चन
१९७३ साली आपल्या महानायकाने म्हणजेच अमिताभ बच्चन यांनी सुद्धा जया बच्चन यांच्याशी लग्न केले, याआधी या जोडीने जंजीर सारख्या सिनेमात काम केलं आणि लग्नानंतर सुद्धा अभिमान मिली ते अगदी कभी ख़ुशी कभी गम सारख्या सिनेमातून लोकांची करमणूक केली!
६.दिलीप कुमार – सायरा बानू
१९८१ साली दिलीप कुमार या बॉलिवूड च्या ट्रॅजेडी किंग ने आपल्यापेक्षा वयाने लहान असलेल्या सायरा बानू शी लग्न करून बऱ्याच लोकांना सुखद धक्काच दिला, हे दिलीप कुमार यांचे दुसरे लग्न होते!
सध्या ते आणि त्यांची पत्नी सायरा बानू बांद्रा येथे स्थित असून त्यांना एकही अपत्य नाही!
–
हे ही वाचा –
===
७. रणधीर कपूर – बबिता शिवदसानी
६ नोव्हेंबर १९७१ ला रणधीर कपुर आणि बबिता हे लग्नबंधनात अडकले, याआधी त्यांनी काही सिनेमात एकत्र सुद्धा काम केलं होते, तसेच बॉलिवूडचा एक काळ गाजवणारी करिष्मा कपुर आणि सध्याची उत्तम अभिनेत्री करीना कपुर या दोघी याच दाम्पत्याचा मुली!
८. धर्मेंद्र – हेमा मालिनी
ही सिनेमाच्या पडद्यावरील सर्वात सुंदर जोडी म्हणून ओळखली जाते, धर्मेंद्र आणि हेमा मालिनी हे जेंव्हा लग्नबंधनात अडकले तेव्हा बरेच वाद झाले!
धर्मेंद्र यांना पहिल्या बायकोपासून २ मुलं होती जी सध्या बॉलिवूड मध्ये काम करतायत सनी आणि बॉबी! संजीव कुमार यांना सुद्धा हेमा मालिनी शी लग्न करायचे होते पण विचारायचे धाडस न केल्याने ते शक्य झाले नाही!
९. जितेंद्र – शोभा कपूर
३१ ऑक्टोबर १९७४ साली जम्पिंग जॅक जितेंद्र यांनी शोभा कपूर शी लग्न केलं, त्यांना एकता कपूर आणि तुषार कपूर अशी दोन अपत्य देखील आहेत जे फिल्म इंडस्ट्री मध्ये काम करतात!
१०. आमीर खान – रीना दत्ता
बॉलिवूडचा मिस्टर परफेक्शनिस्ट आमिर खानची किरण राव ही काय पहिली बायको नाही, जेंव्हा कयामत से कयामत ताक रीलीज झाला त्यांनतर आमिरने रीना दत्ता हिच्याशी लग्न केले.
आणि ते १५ वर्षे टिकले पण त्यांनतर त्यांनी रीतसर घटस्फोट घेऊन आमिर ने किरण राव शी लग्न केले, आज त्याला ३ मुलं आहेत!
११. संजय दत्त – रीचा शर्मा
१९८७ मध्ये संजय दत्त ने रीचा शर्मा या अभिनेत्रीशी लग्न केले होते नंतर त्याने वेगळे होऊन मान्यता दत्त हिच्याशी लग्न केले!
१२. सैफ अली खान – अम्रिता सिंग
टायगर पतौडी आणि शर्मिला टॅगोर यांचा मुलगा सैफ अली खान याचे पहिले लग्न त्यावेळची लोकप्रिय अभिनेत्री अम्रिता सिंग हिच्याशी झाले होते, नंतर तिच्याशी घटस्फोट घेऊन सैफ ने करीना कपूर शी लग्न केले!
मजेचा भाग म्हणजे सैफच्या पहिल्या लग्नात करीना हि ७ वीत होती, अम्रिता पासून सैफ ला एक मुलगी आहे जिचं नाव सारा अली खान जिने नुकतंच फिल्म इंडस्ट्री मध्ये पदार्पण केलंय!
तसेच सैफ आणि करीनाच्या तैमूर ची चर्चा नेटकऱ्यांसाठी एक विशेष खाद्य आहे!
१३. अक्षय कुमार – ट्विंकल खन्ना
१७ जानेवारी २००१ साली खिलाडी कुमार अक्षय कुमार ने काका आणि डिंपल च्या मुलीशी म्हणजे ट्विंकल खन्ना हिच्याशी लग्न केलं, लग्नानंतर ट्विंकल ने तीच्या फिल्म करीयर ला पूर्णविराम दिला!
१४ करिष्मा कपूर – संजय कपूर
२००३ साली करिष्मा कपूर हिने एक मोठा बिझनेसमन संजय कपूर शी लग्न केले, लग्न मुंबईतच पार पडले आणि २०१४ साली हे जोडपं रीतसर घटस्फोट घेऊन वेगळं झालं!
१५. शाहीद कपूर – मीरा राजपूत
करीना, प्रियांका अशा अभिनेत्रींसोबत नावं जोडली गेल्यावर शाहीद कपूर ची इमेज खूप वेगळी झाली होती, आणि यातल कोणतंही रिलेशन जास्त काळ टिकलं नाही, पण २०१५ साली त्याने नॉन फिल्मी बॅकग्राउंड असलेल्या मीरा राजपूत हिच्याशी रीतसर अरेंज मॅरेज केलं!
१६. ह्रितिक रोशन आणि सुझेन खान
ज्याच्या लुक्स मुळे आणि बॉडी मुळे, घाऱ्या डोळ्यांमुळे ज्याला ग्रीक गॉड म्हणतात अशा ह्रितिक रोशन चे लग्न सुझॅन खान हिच्याशी झाले, नुकत्याच झालेल्या खूप मोठ्या काँट्राव्हर्सी मुळे त्यांनी एकमेकांपासून वेगळं व्हायचा निर्णय घेतला!
१७.बिपाशा बसू – करण सिंग ग्रोव्हर
ऑनस्क्रीन केमिस्ट्री जबरी असलेलं आणखीन एक कपल म्हणजे बिपाशा बासू आणि करण सिंग ग्रोव्हर, बिपाशा आधी जॉन बरोबर रिलेशन मध्ये होती पण नंतर ते वेगळे झाले, करण चे हे तिसरे लग्न असून २०१६ मध्ये त्याने बिपाशा शी लग्न केले!
१८. रणवीर आणि दिपीका
बॉलिवुडचा आणखी एक लोकप्रिय कपल म्हणजे रणवीर आणि दिपिका.
१४ नोव्हेंबर २०१८ रोजी या दोघांना इटलीत निवडक मित्रमंडळी आणि कुटुंबिय यांच्या उपस्थितीत त्यांनी लग्न केले. यापुर्वी रामलिला या चित्रपटात त्यांनी एकत्र काम केले होते. याचवेळी त्यांचं सुत जुळलं.
बाजीराव मस्तानीच्या रुपातही ही जोडी प्रेक्षकांना आवडली होती.
===
हे ही वाचा –
===
इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप
–
आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi
–
आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट | Copyright © InMarathi.com | All rights reserved.
