या शहरात मृतदेहांना दफन करण्याला मनाई का आहे? वाचा वैज्ञानिक कारण

February 9, 2017September 20, 2022 इनमराठी टीम 2077 Views death is not allowed, longyearbyen city, norway

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट

–

व्हिडिओजसाठी फॉलो करा : इनमराठी युट्यूब चॅनल

===

मरण काही सांगून येतं का? प्रत्येकाच्या नशिबी जो मृत्यू दिवस असेल त्या दिवशी तो माणूस मरणारच! मरणाला आपण तर काही थांबवू शकत नाही. पण समजा कोणी मरणावर बंदी घातली तर?? तुम्ही म्हणाल, इतर गोष्टींवर ठीक आहे , पण जी गोष्ट आपल्या नियंत्रणात नाही ती गोष्ट घडायची तेव्हाच घडणार.

खरंतर मरणावर बंदी वगैरे हा आपल्या लोकांना निव्वळ मूर्खपणा वाटेल. पण जगामध्ये एक असं ठिकाण आहे जेथे मरणावर बंदी आहे. बंदी म्हणजे असं समजा की इथे नियमचं लागू आहे की कोणी या प्रदेशात मरायचं नाही. काय म्हणता? अजून विश्वास बसतं नाही? मग हे चित्रविचित्र गौडबंगाल तुम्ही जाणून घ्यायलाचं हवं !

स्रोत

नॉर्वे देशामधील लाँगेयरबेन या शहरामध्ये असा विचित्र नियम असून येथील लोकांना चक्क मरण्यास मनाई आहे. १९०६ साली खाणकामासाठी वसवण्यात आलेले लाँगेयरबेन हे शहर आता पर्यटन केंद्र बनले आहे.

स्रोत

उत्तर ध्रुवावर वसलेलं हे शहर आपल्या वैशिष्ट्यांसाठी प्रसिद्ध आहे. कडाक्याची थंडी आणि अवघी दोन हजार लोकवस्ती असलेल्या या शहरात ध्रुवीय अस्वलांची संख्याही लक्षणीय आहे. त्यामुळे येथे प्रत्येकाने बंदुक बाळगणे अनिवार्य मानले जाते.

‘स्रोत

ध्रुवीय प्रदेश असल्याने इथे चार महिने सूर्यही उगवत नाही. अशी खासियत असलेल्या या शहरात मरण्यास मात्र मनाई आहे.
इथे कुणी गंभीर आजारी असेल किंवा मरणपंथाला लागले असेल तर त्याला शेवटच्या दिवसांमध्ये विमानाने किंवा जहाजातून नॉर्वेच्या अन्य भागात हलवले जाते.

स्रोत

याचं कारण असं सांगितलं जातं की या शहरातील दफनभूमी खूपच लहान असून, गेल्या ७० वर्षांपासून इथे कुणालाही दफन करण्यात आलेले नाही.

तसंच अतिथंड वातावरणामुळे इथे दफन करण्यात आलेल्या मृतदेहांचे विघटन होत नाही. शास्त्रज्ञांना अशा विघटन न झालेल्या मृतदेहांमध्ये इन्फ्लुएंझाचे विषाणू आढऴल्यापासून इथे नो डेथ पॉलिसी लागू करण्यात आली आहे.