'"सैन्य नसलेल्या" आंतरराष्ट्रीय सीमा: जागतिक शांततेची धूसर आशा?!

“सैन्य नसलेल्या” आंतरराष्ट्रीय सीमा: जागतिक शांततेची धूसर आशा?!

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्रामशेअरचॅट

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

===

दोन देशांमधील सीमा म्हणजे बॉर्डर्स या त्या देशाचा प्रदेश निर्धारित करीत असतात. त्यामुळे या बॉर्डर्सचं संरक्षण करणं देखील प्रत्येक देशाची जबाबदारी असते. म्हणून या इंटरनॅशनल बॉर्डर्सवर प्रत्येक देश आपआपले सैन्य तैनात करून ठेवतो.

कारण बॉर्डर्सवरची परिस्थिती नेहमी तणावपूर्ण मानली जाते. येथे कधी काय होईल काही सांगता येत नाही. पण अश्या प्रकरणात दोन देशांमधील असलेले संबंध देखील महत्वाची भूमिका बजावतात. आता भारत पाकिस्तानचं उदाहरण घ्या.

आपल्या दोन्ही देशातील संबंध तसे नाजूकच आहेत, त्यामुळे आपली प्रत्येक सीमा संरक्षण खात्याने सुरक्षित करून ठेवली आहे.

अगदी आज ताजं उदाहरण घ्यायचं झालं, तर भारत आणि चीन यांच्यात सुरु असलेला सीमावाद लपून राहिलेला नाही. चीनच्या सैन्याने भारतीय प्रदेशात केलेली घुसखोरी त्यासंदर्भात सुरु असणाऱ्या वाटाघाटी हा सध्याचा एक महत्त्वपूर्ण मुद्दा आहे.

मग तुम्ही म्हणाल की, सीमांची सुरक्षा करण्यासाठी सीमेवर सैन्य तैनात करावं लागतंच असणार. पण प्रत्येक देशांच्या सीमांवर अशी स्थिती नाही. देशांमध्ये हा सीमावाद उद्भवलेला नाही.

पण जगात असे देश आहेत ज्यांच्या सीमा अगदीच स्वैर आहेत. तिथे ना कोणा देशाचे सैन्य आहे आणि ना ही तेथे कोणता हिंसाचार होतो.

चला तर पाहू जगातील या मुक्त आंतरराष्ट्रीय सीमा !

अलास्का आणि सैबेरिया

 

free-international-borders-marathipizza01

 

स्वीडन आणि फिनलँड

स्वीडन आणि फिनलँड या देशांमधील बराचसा सीमाभाग हा नदीच्या पात्रातून जातो. टॉर्नीओ नदी, तिच्या उपनद्या आणि बोथनियाचे आखात हा भाग मुख्यत्वे करून या दोन देशांमधील सीमा दर्शवतो.

सीमेवरील अवघा काही किलोमीटरचा पट्टा हा भूभागाने व्यापलेला आहे. मात्र शेन्जेन करारानुसार, सीमा ओलांडण्यासाठी कुठलीही परवानगी घेण्याची आवश्यकता नसते.

 

free-international-borders-marathipizza02

 

अर्जेंटिना, पॅराग्वे आणि ब्राझील

या तीन देशांमधील सीमेला ‘ट्रिपल फ्रंटियर’ असं म्हटलं जातं. Iguazú आणि Paraná या नद्यांचा संगम या सीमेवर झालेला आहे. नदीपात्रांवर तिन्ही देशांमध्ये त्यांची शहरं वसलेली आहेत. अशा या निसर्गरम्य ठिकाणी कुठेही सैन्य उभं असलेलं पाहायला मिळणार नाही.

 

free-international-borders-marathipizza03

 

नेदरलँड आणि बेल्जियम

नेदरलँड आणि बेल्जियम या देशांमधील सीमेची लांबी ४५० किमी आहे. Meuse नदी आणि काही भूभाग यांचा या सीमेत समावेश आहे. युरोपातील अनेक देशांप्रमाणे या दोन्ही देशांमध्ये सुद्धा शेन्जेन करार करण्यात आलेला आहे.

या दोन्ही देशांच्या सीमेवर सुद्धा कधीही सैन्य पाहायला मिळत नाही.

 

free-international-borders-marathipizza04

 

नॉर्वे आणि स्वीडन

नॉर्वे आणि स्वीडन या देशांमधील सीमा १६३० किमी लांबीची आहे. या दोन्ही देशांसाठी ही सर्वाधिक लांबीची सीमा ठरते.

या दोन देशांच्या सीमेवरही लष्करी तणाव नाही.

 

free-international-borders-marathipizza05

 

हैती आणि डोमेनिक प्रजासत्ताक

 

free-international-borders-marathipizza06

 

स्पेन आणि पोर्तुगाल

या दोन देशांमधील सीमा सर्वाधिक जुन्या सीमांपैकी एक मानली जाते. १२१४ किमी लांबीची ही सीमा, कुठलेही निर्बंध नसलेली युरोपमधील सर्वाधिक लांबीची सीमा आहे. या लांबलचक सीमेवर दोन्ही पैकी कुठल्याही देशाने सैन्य तैनात केलेलं नाही.

 

free-international-borders-marathipizza07

 

पोलंड आणि युक्रेन

 

free-international-borders-marathipizza08

 

स्पेन आणि मोरक्को

स्पेन आणि मोरोक्को या देशांमधील सीमेची लांबी अवघी १८.५ किमी आहे. या सीमेवर दोन्ही देशांमध्ये कुठल्याही प्रकारचा लष्करी हस्तक्षेप मात्र आढळून येत नाही.

 

free-international-borders-marathipizza09

 

भारत आणि भूतान

६९९ किमी अंतराची ही भारत-भूतान सीमा मोठी मजेशीर आहे. त्याचीच ही एक झलक..

‘एका देशातील मंडळी क्रिकेट खेळात असताना जर दुसऱ्या देशात बॉल गेला, तर तो घेऊन येण्यासाठी विजाची गरज पडेल का?’

अशाप्रकारचे विनोद सुद्धा पाहायला मिळतात. खरोखरच एखाद्या रस्त्याचा दुभाजक असावा किंवा कॉम्प्लेक्सची हद्द असावी अशीच जणू काही ही बॉर्डर दिसते.

 

free-international-borders-marathipizza10

 

स्वीडन आणि डेन्मार्क

 

free-international-borders-marathipizza11

स्रोत

सैन्य तैनात नसलं तरी याचा अर्थ हा नाही की तुम्हाला अनधिकृतपणे दुसऱ्या देशात प्रवेश करण्याची मुभा आहे!

===

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम  | टेलिग्राम शेअरचॅट | Copyright © InMarathi.com | All rights reserved.

Leave a Reply

Your email address will not be published. Required fields are marked *

error: चोरी करणं अनैतिक आहे. असं कृत्य का करताय?