' जमीन खोदल्यावर पाण्याऐवजी या गावातून निघतंय सोनं ! – InMarathi

जमीन खोदल्यावर पाण्याऐवजी या गावातून निघतंय सोनं !

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम शेअरचॅट

व्हिडिओजसाठी फॉलो करा : इनमराठी युट्यूब चॅनल 

===

सामान्यत: जमीन खोदल्यावर आपल्या हाती काय लागतं? तर माती… अगदीच खोल खोदत गेलो, तर क्वचित कधीतरी पाणी ! परंतु आपल्या देशात एक असे गाव आहे जिथे जमीन खोदल्यावर अगदी काहीच अंतरावर सोनं मिळतं.

सोन्याचं झाड, जमिनीत पुरलेला खजिना, सोन्याचं अंड देणारी कोंबडी या सगळ्या संज्ञा आपण फक्त आणि फक्त गोष्टींमध्ये वाचलेल्या किंवा ऐकलेल्या असतात. मात्र या गावाची कहाणी अगदी खरी आहे.

खरं वाटत नसेल तर जाणून घ्या हे सगळं प्रकरण नेमकं आहे तरी काय?

 

Golden Coins Found.Inmarathi1

 

या गावातील पोलिसांच्या मते गावात असं काहीच घडत नाही, ही फक्त अफवाच आहे. परंतु भारतीय पुरातत्व विभागाने मात्र या बातमीला दुजोरा दिला असून या गावात अशी घटना घडणे शक्य असल्याचे सांगितले आहे.

राजस्थानच्या जयपूर जवळ दाबेडिया नाडी नावाचं एक गाव आहे. पावसाळ्यात येथील मातीची धूप होऊ लागली. तेव्हा गावकऱ्यांना गावात अनेक ठिकाणी चमकणाऱ्या वस्तू दिसू लागल्या. त्यांनी जवळ जाऊन माती खोडून काढली तेव्हा त्यांना त्यामध्ये सोन्याची नाणी आढळली.

 

gold-coin-rajasthan-village-marathipizza02

स्रोत

हे कळल्यानंतर, येथील स्थानिक गुपचूप खोदकाम करून मिळणारी सोन्याची नाणी घरी घेऊन जात होते. ही घटना साधारण ४-५ वर्षांपूर्वी घडली आहे.

भारतीय पुरातत्व विभागाने दुजोरा दिल्यानंतर येथील पोलिसांकडून देखील स्थानिकांच्या घरी असणाऱ्या सोन्याच्या नाण्यांची पडताळणी केली गेली. या तपासात काही माहिती बाहेर आली.

साधारण १५ वर्षांपूर्वी या गावातील लोकांना याविषयी कळलं होतं. त्यावेळी गावकऱ्यांना काही प्रमाणात सोनं मिळालं होतं असं म्हटलं जातं.

हे असं घडण्याचं कारण सुद्धा फारच मजेशीर आहे. त्यावर पुरातत्व विभागाने प्रकाश टाकला आहे. पुरातत्व विभागाच्या म्हणण्यानुसार,

प्राचीन काळात भूकंप आल्यामुळे या विभागातील असंख्य गावे जमिनीत गाडली गेली. त्या काळी येथे राहणारे स्थानिक हे भटके होते.

 

लोकांना लुटून ते आपला उदरनिर्वाहा करत असत आणि लुटलेले सोनं जमिनीमध्ये गाडून ठेवत. त्यावर निशाण लावत असत.

 

gold_inmarathi

 

त्यावेळेचे प्राचीन अवशेष काही वर्षापूर्वी खोदकाम करताना पुरातत्व विभागाच्या हाती लागले आहेत. त्यामुळे त्या लोकांनी गाडून ठेवलेलं सोनं इथे मिळणं मोठी गोष्ट नाही.

गावकऱ्यांच्या मते दहा-पंधरा वर्षांपूर्वी येथे खोदकाम केले असताना पहिल्यांदा सोने सापडले होते, पण चार वर्षांपूर्वी येथे सोने मिळण्याचे प्रमाण भरपूर वाढले होते.

 

gold-coin-rajasthan-village-marathipizza01

स्रोत

काय कमाल गोष्ट आहे बघा ना, एकीकडे शहरातील लोक सोन्याचे भाव कमी झाल्यावर सोने खरेदी करू असा विचार करत आहेत आणि दुसरीकडे या गावातील लोकांना फुकटचे सोने मिळत आहे.

भारतात काहीही होऊ शकतं या वाक्याला पुष्टी देणारं हे अगदी चपखल उदाहरण आहे !

आमचं युट्यूब चॅनल आणि त्यावरचे व्हिडिओज बघण्यासाठी चॅनलला फॉलो करा :

===

व्हिडिओजसाठी फॉलो करा : इनमराठी युट्यूब चॅनल

 शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम  | टेलिग्राम शेअरचॅट | Copyright © InMarathi.com | All rights reserved.

error: चोरी करणं अनैतिक आहे. असं कृत्य का करताय?