' हे ५ प्रॉब्लेम्स नोकरी करणाऱ्यांच्या पाचवीलाच पूजलेले असतात – InMarathi

हे ५ प्रॉब्लेम्स नोकरी करणाऱ्यांच्या पाचवीलाच पूजलेले असतात

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम शेअरचॅट

व्हिडिओजसाठी फॉलो करा : इनमराठी युट्यूब चॅनल 

===

“काय रे विजयदादा, कसल्या टेंशनमध्ये आहेस??”

“काही नाही रे, जरा जॉबचं टेंशन होतं.”

“श्या ऽऽऽ काहीपण हा! नोकरी म्हटलं की कसं ८ तास काम मग आराम.  आरामाचं कुठं टेंशन येतं होय???”

सर्वसाधारणपणे सगळ्यांचंच असं मत असतं नोकरीबद्द‍ल ( नोकरीला लागण्याआधी ), पण आपल्याला जसं वाटतं तसं खरंच असतं का हो?  नोकरीमध्ये काहीच त्रास नसतो का? कुठल्याच समस्या नसतात का?

उत्तर आहे- 

’नाही. नोकरीवाल्यांना देखील खुप समस्या असतात.’’  

त्यातल्या काही महत्त्वाच्या समस्या आज तुम्हाला या लेखामार्फत सांगतो आहोत:

 

खडुस बॉस

‘’माझं चुकलं किंवा नाही चुकलं तरीही माझ्यावर ओरडणारा प्राणी म्हणजे माझा बॉस.’’(फार क्वचितच एखादा अपवाद असतो). दिवसाचे ८ तास अश्या व्यक्तीच्या निगराणीखाली काढायचे ज्या व्यक्तीला आपण मनापासुन खडुस मानतो, हे काय सोप्पं वाटलं का??

उगाचंच नाही म्हटलंय,’’ जर तुमच्या कंपनीतील चांगले चांगले एम्पलॉयी तुम्हाला सोडुन जात असतील, तर त्यांच्या बॉसच्या कामाचा आढावा घ्या.’’

 

बदली

नोकरी सरकारी असो वा खासगी, कंपनीच्या गरजेनुसार कंपनी, कधीही, कुठेही आणि सर्वात महत्वाचं कोणाचीही बदली करु शकते आणि करते सुद्धा….

problems-at-job-place-marathipizza03

त्या ‘धमाल’ नावाच्या हिंदी पिक्चरमध्ये नाही का हो, कमिश्नर साहेब आपल्या लाडक्या संजुबाबाला यवतमाळला बदलीची धमकी पुर्ण पिक्चरमध्ये देत असतात!!

 

कामाचा अचानक वाढलेला वेळ

problems-at-job-place-marathipizza04

 

हुश्श्श्श्श्ऽऽऽ आजचं काम संपलं, दहाच मिनिटांमध्ये आॉफिस सुटणार, मग घरी जाऊन मस्तपैकी आरामच आराम…!!

Sorry to Burst Your Little Bubble Pal, You will have to stay a bit longer in office & Finish this work today only. अश्या आशयाचा मेल/मेसेज येतो आणि अगदी शेवटच्या मिनिटाला कामाचे तास वाढलेले असतात.

 

सुट्ट्यांचा तुटवडाः

 

आईः- “अरे बाळा, त्या संजय दत्तलासुद्धा जेलमधुन 30 दिवसांची सुट्टी भेटली अरे. तुलाच का नाही मिळत कधी सुट्टी.”

यावर अजुन काय बोलणारे? घरोघरी मातीच्याच चुली… आपल्या खात्यात मारे १०० सुट्ट्या का बाकी असेना, त्या भेटतीलच याची शाश्वती साक्षात् ब्रम्हदेवसुद्धा नाही देऊ शकणार!!

 

कँटीन

problems-at-job-place-marathipizza06

‘’ साला चार दिवस घरी होतो तर पक्वान्न जेवायचो रे, आणि आता हे पाहिलं की जेवायची इच्छाच मरुन जाते. वाटतं सरळ राजीनामा टाकावा आणि घरी जाऊन जेवत बसावं.’’

अर्थात जेवण आवडलं नाही म्हणुन नोकरी सोडतोय इतका नोकरींचा पुर अजुन तरी आलेला नाही भारतामध्ये म्हणुनचं, इथं बरीच जणं दुषणं देत का होईना पण जे वाट्याला येईल ते खातात आणि गपगुमानं नोकरी करतात.

नोकरी मध्ये आपल्याला तोंड द्याव्या लागणाऱ्या असंख्य प्रोब्लेम्सपैकी हे काही प्रॉब्लेम्स आणि ह्या प्रॉब्लेम्संना दररोज तोंड द्यावंच लागतं. आता ह्या सर्व समस्यांना सामोरे कसं जायचं? ह्यांना टॅकल कसं करायचं? हे सर्वस्वी त्या व्यक्तीवर अवलंबुन  आहे बरं का..! काही ह्यावर रडणं पसंद करतात, काही ह्यावर तोडगा काढतात, काहींना ह्या सगळ्याने काही फरकच पडत नाही.

 

problems-at-job-place-marathipizza07

So?? What are you going to choose huh????

 

आमचं युट्यूब चॅनल आणि त्यावरचे व्हिडिओज बघण्यासाठी चॅनलला फॉलो करा :

===

व्हिडिओजसाठी फॉलो करा : इनमराठी युट्यूब चॅनल

 शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम  | टेलिग्राम शेअरचॅट | Copyright © InMarathi.com | All rights reserved.

error: चोरी करणं अनैतिक आहे. असं कृत्य का करताय?