' "इंटरनेट"चा मालक कोण? आपल्या सगळ्यांना पडणाऱ्या या प्रश्नाचं "हे" आहे उत्तर!!

“इंटरनेट”चा मालक कोण? आपल्या सगळ्यांना पडणाऱ्या या प्रश्नाचं “हे” आहे उत्तर!!

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्रामशेअरचॅट

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

===

सध्या आलेल्या कोरोनाच्या दुसऱ्या लाटेमुळे भारतात आणि जगातल्या इतर काही देशांमध्येही लॉकडाउन चालू आहे. कोरोनाच्या दुसऱ्या लाटेने भारतात थैमान घातले असल्याने संपूर्ण नागरिक घरातच बंदिस्त झाले आहे.

या लॉकडाउनमध्ये अनेक दिवसांपासून घरी असणाऱ्या माणसांना एकच आधार आहे आणि तो म्हणजे मोबाइल आणि इंटरनेट.

कोरोनाच्या भीतीमुळे घराबाहेर पडण्याचा तर प्रश्नच नाही, पण त्यामुळे काम थांबवून चालणार नाही ना. त्यामुळे लोकांनी सगळ्या गोष्टींसाठी ऑनलाइन हा पर्याय शोधून काढला.

बँकेच्या कामापासून ते अगदी चित्रपटांपर्यंत सर्वच गोष्टी इंटरनेटच्या मदतीने आपण घरबसल्या करू शकतो. व्हिडिओ कॉलमार्फत लोकं भेटू शकतात, संवाद साधू शकतात. सध्याच्या नकारात्मक वातावरणात तोच एक दिलासा आहे.

==

हे ही वाचा : आपण इंटरनेटवर जी कामे बिनधास्तपणे करतो, वास्तवात ती ‘बेकायदेशीर’ आहेत…!

==

indian people video calling inmarathi

 

इंटरनेट ही आजकालच्या लोकांसाठी अगदी जीवनावश्यक गोष्ट ठरत आहे. आज आपला एकही दिवस ह्या इंटरनेट शिवाय जात नाही. समजा जर इंटरनेट पॅक संपला तर असं वाटत की, आपण जगात नाही तर कुठल्यातरी परग्रहावर एकटे भटकत आहोत.

इंटरनेट नसतं तर काय ही कल्पनाही आजच्या काळात सहन होत नाही.

एवढे ह्या इंटरनेटचे महत्व आज आपल्या जीवनात आहे आणि का असायला नको? आपली जीवन जगण्याची पद्धत ह्या इंटरनेट मुळेच एवढी सोयीस्कर आणि सोप्पी झाली आहे. मग त्याचं श्रेय त्याला द्यायलाच हवे.

 

internet inmarathi

 

पण श्रेय द्यायचं तर द्यायचं कोणाला? म्हणजे इंटरनेटला तर देऊच पण इंटरनेट हा काही माणूस नाही ना? मग कोणीतरी असेल ना ह्या इंटरनेटचा मालक, जो त्याला आपल्यापर्यंत पोहोचवतो.

ज्याला आपण इंटरनेट वापरण्यासाठी पैसे देतो तो नेमका कोण? असे अनेक प्रश्न तुमच्याही मनात सतत येत असणार ना?

 

internet-inmarathi01

आपण हे इंटरनेट वापरण्यासाठी एयरटेल, आइडिया, रिलायंस जिओ अशा कंपन्यांना पैसे देतो. पण ह्या कंपन्या ज्याच्याकडून इंटरनेट विकत घेतात तो कोण? आज आम्ही आपल्या याच सर्व प्रश्नांची उत्तर घेऊन आलो आहोत…

जर तुम्ही कुठल्याही वेबसाईटवर कुठला व्हिडिओ बघत आहात, तर तुम्हाला दिसणारा हा व्हिडीओ हजार किलोमीटर दूर असलेल्या वेबसाईटच्या सर्व्हर वरून तुमच्या मोबाईल किंवा कॉम्पुटर स्क्रीन पर्यंत येत असतो.

या वेबसाईटच्या सर्व्हर आणि तुमच्या मोबाईल/कॉम्पुटर मध्ये जे कनेक्शन तयार होते, ह्याच कनेक्शनचे तुम्हाला पैसे द्यावे लागतात.

आपण इंटरनेट करिता एअरटेल, आयडिया, जिओ अश्या राष्ट्रीय कंपन्यांना पैसे देतो. आणि ह्या कंपन्या आंतरराष्ट्रीय कंपन्यांना पैसे देतात.

==

हे ही वाचा : इंटरनेट वापरताना ‘वाय-फाय राऊटरचा’ स्पीड वाढवण्यासाठी या ५ सोप्या टिप्स वाचाच

==

 

internet inmarathi

ह्या कंपन्या समुद्रात ऑप्टिकल फाइबर टाकून एका देशाला दुसऱ्या देशाशी कनेक्ट करतात.

 

internet-inmarathi05

पण जर तुम्ही इंटरनेटच्या मालकाला शोधत असाल, तर अशी कुठलीही ठराविक व्यक्ती नाही जी इंटरनेट ची मालक असेल.

 

internet-inmarathi

मग जर कोणी ह्या इंटरनेटचा मालक नाही तर मग हे इंटरनेट चालतं तरी कसं?

तर इंटरनेटचा निर्माण आणि त्यासाठी होणाऱ्या सर्व रिसर्च करिता वेगवेगळ्या राष्ट्र तसेच काही खाजगी कंपन्या, इंजिनीअर्स, सिव्हील सोसायटी, तसेच इतरही काही क्षेत्रांचा समावेश असतो.

वेबसाईट अड्रेस म्हणजेच इंटरनेट डोमेन देणारी संस्था आईकॅन (इंटरनेट कॉर्पोरेशन फॉर असाइंड नेम्स अॅण्ड नंबर्स) सारख्या मुलभूत कंपन्या अमेरिकेत आहेत. ज्यामुळे इंटरनेटवर अमेरिकेचे वर्चस्व असल्याचे मानल्या जाते.

 

internet-inmarathi

पण इंटरनेटला एकाधिकारच्या स्थितीपासून वाचविण्यासाठी संयुक्त राष्ट्र अंतर्गत लोकतांत्रिक व्यवस्था अमलात आणण्याचे प्रयत्न सुरु आहेत.

युनायटेड नेशन्सचे अनेक सदस्य एक बहुपक्षीय व्यवस्था असायला हवी, असे मानतात. ज्यात इंटरनेटशी संबंधित सर्व पक्षांचे हित जपले जाते.

 

internet-inmarathi07

==

हे ही वाचा : या सोप्या ट्रिक्स वापरून तुम्ही तुमचा खाजगी डेटा इंटरनेटपासून वाचवू शकता..

==

अनेक देशांना सायबर सुरक्षा आणि इंटरनेटचा दुरुपयोग होईल अशी भीती आहे. ज्यामुळे त्यांना इंटरनेटवर नियंत्रण मिळवायचे आहे.

इंटरनेटचे जाळे हे संपूर्ण जगभर पसरलेले आहे. हे इंटरनेटचे विश्व देखील विशाल, अफाट आहे. जर ह्याबद्दल पूर्णपणे जाणून घ्यायचे म्हटले तर त्यासाठी किती वेळ लागेल हे सांगताही येत नाही.

पण तरी हा लेख वाचल्यावर आपण इंटरनेट वापरायचे जे पैसे देतो ते नेमके कोणाला जातात ह्याची माहिती आपल्याला नक्कीच मिळाली असेल…

===

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम  | टेलिग्राम शेअरचॅट | Copyright © InMarathi.com | All rights reserved.

Leave a Reply

Your email address will not be published. Required fields are marked *

error: चोरी करणं अनैतिक आहे. असं कृत्य का करताय?