बच्चे कंपनीला खूप आवडणारा Shinchan: वाचा त्याच्या जन्मामागची दुःखद कहाणी!
आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट
–
व्हिडिओजसाठी फॉलो करा : इनमराठी युट्यूब चॅनल
===
शिनचॅन म्हटलं की आपल्या डोळ्यासमोर उभा राहतो पाच वर्षांचा एक खोडकर, खट्याळ मुलगा, जो सदैव त्याच्या खोड्यांनी लहानापासून मोठ्यांपर्यंत सर्वांनाच पोट धरून हसवतो.
अल्पावधीतच लोकप्रिय झालेल्या या कार्टूनच्या जन्मामागची कथा मन हेलावून टाकणारी आहे.
ही कथा जपानच्या माणसांकडून आजही सांगितली जाते.
ही कथा एका जपानी आईची आहे. जिला आपल्या दोन्हीही मुलांना अपघातात गमवावं लागलं. तिचं नाव मिसाई. मिसाईला एक मुलगा आणि एक मुलगी अशी दोन अपत्ये होती. मुलाचे नाव होते सिनोसुके नोहारा.
एकदा सिनोसुकेने पाहिले, की त्याची लहानगी बहिण रस्त्यात खेळत आहे आणि समोरून येणाऱ्या वाहनाकडे तिचे लक्ष नाही. बहिणीचा जीव वाचवण्यास धावलेल्या सिनोसुकेचे प्रयत्न अपुरे पडले आणि वाहनाने दोघांना ही धडक मारली.
या अपघातात दोघा भावा बहिणींचा दुर्दैवी मृत्यू झाला.
मिसाईला त्यांच्या अकाली मृत्यूचा धक्का पचवणे फार कठीण गेले. ज्या दोन मुलांच्या आयुष्याची सुंदर स्वप्ने तिने रंगवली होती, त्यांचा असा दु:खद अंत पाहणे तिच्या नशिबी आले, पण या धक्क्यातून सावरत त्यांच्या स्मृती जतन करण्याचे तिने ठरवले.
सिनोसुके आणि त्याच्या चिमुरड्या बहिणीसोबत घालवलेल्या आनंदी आणि खोडकर क्षणांची आठवण म्हणून मिसाईने दरोरोज एका वहीमध्ये त्यांच्या गोड कार्टून्स स्टोरीज रेखाटण्यास सुरुवात केली.
मिसाईने जतन केलेल्या याच कार्टूनरुपी आठवणींनी प्रभावित होऊन ‘योशितो उसुई’ने क्रेयॉन शिनचॅन नावाच्या मांगा आणि ऍनाईम कार्टूनला जन्म दिला.
योशितो उसुईने नंतर स्वत:हून या कार्टूनसाठी लिखाण सुरु केले. आणि संपूर्ण जगभरात हे कार्टून हिट ठरले.
सध्या शिनचॅन कार्टूनच्या जन्मामागची ही कथा इंटरनेटवर व्हायरल झाली आहे आणि शिनचॅन प्रेमींमध्ये आपल्या लाडक्या शिनचॅनबदल हळहळ व्यक्त होत आहे.
हे गोड कार्टून पात्र खऱ्याखुऱ्या सिनोसुके नोहारा आणि त्याच्या बहिणीच्या स्मृती अखंड तेवत ठेवो आणि चाहत्यांच्या चेहऱ्यावर नेहमी हसू फुलवत राहो हीच आशा!
—
- बालपणात घेऊन जाणाऱ्या या १० कार्टून्सपैकी तुम्ही कोणतं कार्टून मिस करताय?
- या २५ गोष्टी तुम्हाला आत्ताच्या आत्ता तुमच्या सोनेरी बालपणात घेऊन जातील
—
आमचं युट्यूब चॅनल आणि त्यावरचे व्हिडिओज बघण्यासाठी चॅनलला फॉलो करा :
–
===
व्हिडिओजसाठी फॉलो करा : इनमराठी युट्यूब चॅनल
–
शेअरचॅटवर मिळवण्यासाठी क्लिक करा: इनमराठी शेअरचॅट ग्रुप
–
आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi
–
आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट | Copyright © InMarathi.com | All rights reserved.
