दागिने असो किंवा भरजरी साड्या, ‘स्ट्रीट शॉपिंग’च्या या जागा वाचवतील तुमचे हजारो रुपये
आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट
–
व्हिडिओजसाठी फॉलो करा : इनमराठी युट्यूब चॅनल
===
परवडणाऱ्या किमतीत खरेदी करण्याचा मुंबईतील स्ट्रीट शॉपिंग हा एक उत्तम मार्ग आहे. काही ट्रेंडिंग पोशाख या ठिकाणी सहजपणे मिळू शकतात. सर्वांसाठी, रस्त्यावरील खरेदी हा मुंबईत खरेदी करण्याचा योग्य मार्ग असू शकतो.
कपडे असोत, दागिने असोत किंवा घराची सजावट असो, जवळपास सर्वच वस्तू मुंबईच्या गजबजलेल्या रस्त्यांवर मिळू शकतात. त्यातही काही ठराविक ठिकाणे आहेत जिथे हा खरेदीचा आनंद आपण मनमुराद लुटू शकतो.
कुलाबा कॉजवे, कुलाबा :
कॅफे मोंडेगर आणि लिओपोल्ड कॅफे यांसारखे प्रतिष्ठित हँगआउट्स असणारे कुलाबा स्ट्रीट शॉपिंगचे माहेरघर आहे. कॉजवे त्याच्या उत्साही आणि मैत्रीपूर्ण वातावरणासाठी प्रसिद्ध आहे.
तुम्हाला येथे हवेशीर पोशाख, रंगीबेरंगी दागिने आणि प्राचीन घड्याळांपासून बॅग आणि ट्रेंडी फुटवेअरपर्यंत सर्व काही मिळेल.
दक्षिण मुंबईत असलेले कुलाबा कॉजवे हे निश्चितपणे मुंबईतील रस्त्यावरील खरेदीसाठी सर्वोत्तम ठिकाणांपैकी एक असावे. तुम्हाला भारतीय झुमके, ब्रेसलेट, अंगठी, नेकलेस इत्यादींचे उत्तम कलेक्शन येथे मिळेल. त्याशिवाय, येथे तुम्हाला मस्त सनग्लासेस आणि मूनस्टोन चेन मिळतील.
पाश्चात्य कपडे, पिशव्या आणि शूज इथे भरपूर आहेत. कुलाबा कॉजवे येथे तुम्हाला काही प्राचीन कलाकृती देखील मिळू शकतात आणि जेव्हा तुम्ही थकून जाल तेव्हा मस्त जेवणासाठी बगदादी, बडे मियाँ किंवा लाइट ऑफ एशिया सारखे पर्याय ही तुमच्याकडे आहेतच.
क्रॉफर्ड मार्केट :
नेहमी गजबजलेले, रंगीबेरंगी आणि पारंपरिक असे क्रॉफर्ड मार्केट हे मुंबईतील खरेदीच्या ठिकाणांच्या यादीत असलेच पाहिजे. फळे आणि भाज्या, होम डेकोर अॅक्सेंट, पिशव्या, मेकअप, खेळणी आणि मसाले विकणाऱ्या घाऊक दुकानांसाठी हे ओळखले जाते.
असे म्हणतात, की तुम्हाला क्रॉफर्डमध्ये मिळणाऱ्या प्रत्येक गोष्टीतून तुम्ही विमान तयार करू शकता. हे शहरातील सर्वात जुन्या बाजारपेठांपैकी एक आहे.
बाजाराच्या एका बाजूला घरगुती सजावट, कपडे, उपकरणे, शूज, अंतर्वस्त्र, नवीन वस्तू इत्यादी विकणारी दुकाने आहेत. दुसऱ्या बाजूला फळे, सुका मेवा, सौंदर्यप्रसाधने, फर्निचर, बेकिंग विकणारी दुकाने असलेल्या विस्तीर्ण कॉरिडॉरसह विशाल व्हिक्टोरियन इमारती आहेत.
वस्तू, मेजवानीच्या वस्तू, मांस, मसाले इ. तुम्हाला असंख्य व्हरायटीज मध्ये मिळू शकतात. हे स्वतःच स्वत:मध्ये एक जग आहे आणि त्यावर विश्वास ठेवण्यासाठी तुम्हाला ते पहावे लागेल.
इथला लपलेला खजिना म्हणजे कॉस्मेटिक स्टोअर्स, जी सर्व श्रेणीतील सौंदर्य उत्पादने कमीत कमी किमतीत विकतात.
झवेरी बाजार :
क्रॉफर्ड मार्केटच्या अगदी उत्तरेला, सोने, चांदी, मौल्यवान रत्ने आणि तुमचा श्वास रोखू शकणार्या भव्य दागिन्यांसाठी! झवेरी बाजार असलेल्या भुलेश्वरच्या चक्रव्यूहाच्या गल्ल्या आणि बाय-लेनमध्ये गेल्याशिवाय लग्नासाठीची मुंबईतली खरेदी पूर्ण होतच नाही.
तुम्ही येथे घराची सजावट, डिनरसेट, फर्निचर, खेळणी आणि पितळेची भांडी खरेदी करू शकता. झवेरी बाजार किंवा मुंबादेवी बाजार ही कदाचित देशातील सर्वात मोठी दागिन्यांची बाजारपेठ आहे. हिरे आणि चांदीच्या दुकानांव्यतिरिक्त भारताच्या सोन्याच्या सुमारे ६०% व्यापार इथूनच नियंत्रित केला जातो.
स्टोअरचा आकार आणि त्यातील प्रत्येक वस्तूचे मूल्य पाहून तुम्ही थक्क व्हाल, हे फक्त मुंबईतच होऊ शकते. त्याशिवाय इथे इमिटेशन ज्वेलरीची देखील दुकाने आहेत. फक्त तुम्हाला बार्गेंनिंग करता आले पाहिजे.
हीरा पन्ना मार्केट :
हाजी अली दर्ग्यापासून काही मिनिटांच्या अंतरावरील हीरा पन्ना येथे इलेक्ट्रॉनिक्स, आयात केलेली सौंदर्य प्रसाधने आणि चॉकलेट तसेच ब्रँडेड पोशाख आणि उपकरणे विकणारी जवळपास १४० दुकाने आहेत.
फॅशनेबल घड्याळे, मोबाईल फोन, लॅपटॉप यांच्या खरेदीसाठी हिरा-पन्ना मार्केटला पर्याय नाही.
बुक स्ट्रीट :
वाचन आवडते? मग फ्लोरा फाउंटन आणि छत्रपती शिवाजी टर्मिनस (व्हिक्टोरिया टर्मिनस) रेल्वे स्टेशन, फोर्ट, दक्षिण मुंबई दरम्यानअसलेल्या बुक स्ट्रीटला भेट देणे चुकवू नका, कारण येथे फुटपाथवर नवीन आणि सेकंडहँड पुस्तके विक्रीसाठी ठेवतात.
दुर्मिळ प्रकाशन आणि व्यावसायिक पेपरबॅक कादंबऱ्यांसह शैक्षणिक ग्रंथांपासून कवितेपर्यंत सर्व काही येथे उपलब्ध आहे. हे पुस्तक विक्रेते खूप जाणकार आणि सुज्ञ देखील आहेत. तुमच्या आवडीनुसार किंवा तुमच्या आवडत्या लेखकाचे फक्त नाव सांगा आणि पुस्तक मिळवा.
मंगलदास मार्केट आणि मुळजी जेठा मार्केट :
जर तुम्ही भारतीय पोशाख बनवण्यासाठी मीटरने कापड किंवा न शिवलेले ड्रेस मटेरियल वापरत असाल तर, मंगलदास मार्केट आणि मुलजी जेठा मार्केट (ज्याला एमजे मार्केट देखील म्हणतात) हा बेस्ट ऑप्शन आहे.
एकमेकांच्या जवळ असलेल्या, या विस्तीर्ण घाऊक बाजारपेठा आशियातील सर्वात मोठ्या कापड बाजारांपैकी एक आहेत.
कापडाच्या विविध प्रकारांनी भरलेल्या स्टॉल्सच्या रांगा या परिसरात तुम्हाला दिसतील, सिल्कपासून ब्लॉक प्रिंट्सपर्यंत! कपड्यांचे आणि कापडांचे प्रकार तुम्हाला योग्य किमतीत मिळू शकतील.
लालबाग मार्केट :
वेगवेगळे आणि ताजे मसाले, सुका मेवा, तिखट पावडर तसेच ड्राय समोसे, फरसाण असे नमकीन हवे असेल तर लालबाग -परळ मार्केटला अवश्य भेट द्या.
तुमच्या इछेनुसार मसाले निवडून ते तिथेच भाजून घेऊन त्याची तुम्ही पावडर करून घरी नेऊ शकता, जवळच दादरला फुलांचे मार्केट आहे. तिथेही तुम्ही फुलांची खरेदी करू शकता.
लिंकिंग रोड :
परवडणारे आणि ऑन-ट्रेंड कपडे, दागिने, पादत्राणे आणि अॅक्सेसरीज विकणाऱ्या दुकानांनी भरलेले, लिंकिंग रोड हे मुंबईतील रस्त्यावरील खरेदीसाठी प्रमुख डेस्टींनेशन आहे.
जर तुम्हाला थोडी व्हरायटी हवी असेल, तर काही लहान बुटीक आणि डिझायनर शॉप शोधण्यासाठी जवळच माउंट मेरी परिसरात फिरा.
मुंबईतील स्ट्रीट शॉपिंगसाठी आणखी एक उत्तम ठिकाण म्हणजे हिल रोड, जिथे तुम्हाला अनेक शू स्टोअर्स, हाय स्ट्रीट शॉपिंग सेंटर्स आणि मॉल्स सापडतील.
लोखंडवाला मार्केट :
वांद्रेपासून पुढे अंधेरीच्या लोखंडवालाचा आलिशान, गजबजलेला आणि मोहक परिसर आहे. फॅशनेबल पोशाख आणि अॅक्सेसरीज विकणारी दुकाने इथे आहेत.
येथे मिळणार्या आंतरराष्ट्रीय ब्रँडच्या वस्तूंची खरेदी अजिबात चुकवू नका.
—
- उंच मुलींचा बांधा सुबक, व्यक्तिमत्व उठावदार दिसण्यासाठी महत्वपूर्ण टिप्स
- पीटर इंग्लंड ते मॉन्टे कार्लो : तुम्हाला “फॉरेन” वाटणारे हे ब्रँन्ड्स पक्के “स्वदेशी” आहेत!
—
धारावी लेदर मार्केट :
जर आम्ही तुम्हाला सांगितले ,की शहरातील (आणि आशियातील) सर्वात मोठी झोपडपट्टी धारावी हे मुंबईतील खरेदीसाठी सर्वोत्तम ठिकाणांपैकी एक आहे तर तुम्हाला नक्कीच आश्चर्य वाटेल.
बहुतेक लोक या भागाला फक्त गरिबी, निराधार रहिवासी आणि कचरा यांच्याशी जोडतात, परंतु धारावी हे अनेक लहान-मोठ्या उत्पादनांचे घर आहे, ज्यात सर्वाधिक लोकप्रिय लेदर वर्क कारखाने आहेत आणि ते छान चामड्याच्या पिशव्या, शूज, जॅकेट आणि अॅक्सेसरीज तयार करतात जे तुमच्या वॉर्डरोबमध्ये असणे आवश्यक आहे.
मुंबईतील रस्त्यावरील खरेदीसाठी ही सर्वात लोकप्रिय बाजारपेठ आहेत आणि येथे तुम्हाला तुमच्या पैशांची किंमत आणि मुंबईचा अस्सल अनुभव मिळेल याची खात्री आहे.
मित्रांनो, या जागा सोडून मुंबई आणि उपनगरांमध्ये अशा अनेक जागा आहेत जिथे तुम्ही मनसोक्त स्ट्रीट शॉपिंग करू शकता.
—
आमचं युट्यूब चॅनल आणि त्यावरचे व्हिडिओज बघण्यासाठी चॅनलला फॉलो करा :
===
व्हिडिओजसाठी फॉलो करा : इनमराठी युट्यूब चॅनल
–
शेअरचॅटवर मिळवण्यासाठी क्लिक करा: इनमराठी शेअरचॅट ग्रुप
–
आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi
–
आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट | Copyright © InMarathi.com | All rights reserved.