' शिक्षण सोडल्यावरच मिळणाऱ्या स्कॉलरशिपच्या जोरावर तयार झाला एवढा मोठा ब्रॅंड!

शिक्षण सोडल्यावरच मिळणाऱ्या स्कॉलरशिपच्या जोरावर तयार झाला एवढा मोठा ब्रॅंड!

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्रामशेअरचॅट

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

===

ओयोरूम्स बद्दल बर्‍याच जणांना माहिती असेल. लोकांना अफोर्डेबल किमतीमध्ये होटेल रूम उपलब्ध व्हावी याकरिता ओयो रूम्स ही संकल्पना अस्तित्वात आणली, ती रितेश अग्रवाल या दिल्लीच्या तरुणाने.

तीही केवळ वयाच्या एकविसाव्या वर्षीच. वयाच्या सतराव्या वर्षापर्यंत त्याचा बराच भारत फिरून झाला होता. त्यावेळेस त्याला जाणवलं की लोकांना परवडेल अशा किमतीत हॉटेल्स मिळत नाहीत.

 

oyo rooms inmarathu

 

यावरच काहीतरी करावं असा त्याचा विचार होता. यासाठी त्याने अनेक जागा सर्च करून ठेवल्या होत्या. हॉटेल्स हेरून ठेवले होते. पण हे चालू करण्यासाठी भांडवल मात्र फारसे नव्हते.

त्याच वेळेस त्याने थियाल फेलोशिप मिळवण्यासाठी अर्ज केला आणि आपल्या प्रोजेक्टची माहिती दिली. त्यावरूनच त्याला ती फेलोशिप मिळाली, जी दोन वर्षात एक कोटी रुपये देते.

त्याचा फायदा रितेशने घेतला आणि त्याच्या कल्पनेतील ओयो रूम्स अस्तित्वात आल्या. आज तो २०२० मधील जगातील सर्वात तरुण श्रीमंत उद्योजक आहे. भारतामध्ये त्याची २०० हॉटेल्स आहेत. तसंच जगभर देखील त्याचा व्यवसाय पसरला आहे.

रितेशने ही कामगिरी केली ती थियाल फेलोशिप मिळाल्यामुळे. ही फेलोशिप मिळवणारा रितेश हा पहिला भारतीय आहे.

पण ही थियाल फेलोशिप काय आहे? आणि ती चक्क $१००००० देत असेल तर ही नक्कीच एक इंटरेस्टिंग गोष्ट आहे.

ही फेलोशिप कोणाला मिळते?

या प्रश्नाचे उत्तर खरं सांगायचं तर, जे १७ ते २३ वयोगटातील आहेत.

 

theil fellowship inmarathi

 

हरहुन्नरी आहेत, वेगळं काहीतरी करण्याची टशन ज्यांच्यामध्ये आहे, आपल्या कल्पना अस्तित्वात आणण्यासाठी ज्यांनी शाळा कॉलेजला रामराम ठोकला आहे, शालेय ज्ञानापेक्षा व्यवहारिक ज्ञान ज्यांच्याकडे आहे, वेगवेगळ्या क्षेत्राबाबत भन्नाट कल्पना आहेत.

आणि ह्या कल्पना अस्तित्वात आणण्यासाठी आपल्या हिमतीवर विश्वास आहे, अशी कोणतीही व्यक्ती ही फेलोशिप मिळावी याकरिता अर्ज करू शकते.

ही फेलोशिप कोणी चालू केली?

तंत्रज्ञान उद्योजक आणि गुंतवणूकदार पीटर थियल यांनी ही फेलोशिप चालू केली. पेपल(paypal) ज्यांनी विकत घेतलं तेच पीटर थियाल. २०११ साली पीटर यांनी ही फेलोशिप चालू केली.

या फेलोशिप मध्ये एक लाख अमेरिकन डॉलर दिले जातात. ज्यांना काहीतरी वेगळं करायचा आहे, परंतु आर्थिक पाठबळ नाही त्यांना ही फेलोशिप मदत करते.

दोन वर्षाच्या कालावधी मध्ये टप्प्याटप्प्याने ही मदत केली जाते. ज्याला ही मदत केली जाते त्याला त्याच्या अडलेल्या प्रश्नांवरती तज्ञांकडून मार्गदर्शन केलं जातं परंतु कोणतेही सल्ले दिले जात नाहीत.

आपली कल्पना प्रत्यक्षात आणण्यासाठी स्कॉलरशिप मिळालेल्या व्यक्तीने शाळा किंवा कॉलेज सोडून देणे अनिवार्य असते. शाळा-कॉलेज सोडणे हीच या फेलोशिपची महत्त्वाची अट आहे.

कुठल्याही शालेय शिक्षणाशिवाय, एक ठराविक साचेबद्ध अभ्यासाशिवाय माणूस प्रगती करू शकतो, आपल्या कल्पना राबवू शकतो हे त्यांना दाखवून द्यायचे आहे.

शालेय शिक्षणामुळे माणूस एक प्रकारचाच विचार करतो. नवीन आयडियाज त्याला सुचत नाहीत. असा एक विचार या फेलोशिप देणाऱ्या लोकांनी केलेला आहे.

करिअरची वेगळी वाट एखाद्याला निवडायची असेल तर ती त्यांना पुढे येणाऱ्या अपयशाच्या भीतीमुळे, अनिश्चिततेमुळे निवडता येत नाही.

अशाच काही वेगळ्या आयडिया असणाऱ्या आणि तरुण, होतकरू, झटून काम करण्याची आवड असणाऱ्या मुला-मुलींना खंबीरपणे पाठिंबा देण्याची गरज असते आणि तीच गरज या थियाल फेलोशिपमुळे पूर्ण होते.

 

theil fellowship 2 inmarathi

 

वेळोवेळी त्यांना मार्गदर्शन, मदतही मिळते. जर तुमची आयडिया खरोखरच चांगली असेल तर तुमच्या प्रोजेक्टमध्ये पैसे गुंतवण्यासाठी गुंतवणूकदार, पार्टनर, ग्राहक यांच्याशी ओळख करून दिली जाते.

या सगळ्यांचा उपयोग आपल्या प्रोजेक्टसाठी कसा करायचा हे मात्र त्या तरुण-तरुणींनीच ठरवले पाहिजे, या बाबतीत मात्र ते दक्ष असतात.

त्यामुळे हे तरुण अत्यंत हिरिरीने आपली आयडिया अस्तित्वात आणण्याचा प्रयत्न करतात. यातून उद्योजक तयार व्हावेत हीच फेलोशिप देणाऱ्यांची भावना आहे.

अर्थातच ही फेलोशिप मिळवण्यासाठी काही अटी पूर्ण करणे महत्त्वाचे असते. एक तर आपण पाहिलेच की शाळा, कॉलेज सोडून द्यावे लागते. त्यामुळे तुमचं शिक्षण, शिक्षणातला करियर किती आहे हे सांगून उपयोग नाही.

जरी तुम्ही यूनिवर्सिटी टॉपर असलात तरीही त्यांना त्याचा फरक पडत नाही. तसेच फेलोशिप देणाऱ्यांकडून देखील कुठल्याही प्रकारचे ट्रेनिंग दिले जात नाही.

पण आपली आयडिया इतरांपेक्षा किती वेगळी आणि भन्नाट आहे हे त्या उमेदवाराला पटवून द्यावे लागते. आत्तापर्यंत तुमची ही आयडीया अस्तित्वात आणण्यासाठी तुम्ही किती प्रयत्न केलेत हे देखील सांगावे लागते.

केलेले काम सादर करावे लागते. आणि हे करताना तुम्ही कुठल्याही देशातले असलात तरीदेखील चालते.

जगभरातील १७ – २३ वयोगटातील कोणीही व्यक्ती ही फेलोशिप मिळवण्यासाठी अर्ज करू शकते. तुम्ही आहात तिथून तुमच्या आयडियावर काम करू शकता. जगभरातून अनेक विद्यार्थी यासाठी अर्ज करतात.

परंतु ही फेलोशिप, जितके अर्ज येतात त्याच्या फक्त ०.१% टक्के लोकांनाच मिळते. म्हणजेच फार तर जगभरातून फक्त २० ते २५ लोकांनाच ही फेलोशिप मिळते.

यावरूनच ही फेलोशिप मिळवणे किती कठीण आहे याची कल्पना येते. ही फेलोशिप कितीही चांगली वाटत असली तरी यातही काही त्रुटी आहेतच.

अर्थात आत्ता पर्यंत ज्यांना ज्यांना याला फेलोशिप मिळाली आहे तो प्रत्येक जण यशस्वी झाला आहे असे नाही.

 

ritesh agarwal inmarathi

 

दोन वर्षे शिक्षण सोडावे लागत असल्यामुळे तो तोटा देखील आहेच. कारण बाहेरच्या जगात शेवटी तुमच्या शिक्षणाला महत्त्व आहे.

दोन वर्ष शिक्षणामध्ये खंड पडतो आणि जर फेलोशिप मिळूनही आयडिया राबवण्यात अपयश आलं तर त्यातून एखाद्या व्यक्तीला नैराश्य देखील येऊ शकत.

परंतु वेगळं काही करू इच्छिणाऱ्यांसाठी ही एक नक्कीच संधी आहे. यातील बरेचसे उमेदवार हे हार्वर्ड आणि एम आय टी सारख्या मोठ्या युनिव्हर्सिटीतून ड्रॉप आऊट झालेले विद्यार्थी आहेत.

म्हणूनच जेव्हा भारतातील रितेश अग्रवालला ही फेलोशिप मिळाली तेव्हा त्याने स्वतःचं शिक्षण सोडलं आणि आपल्या ओयोरूम वर काम चालू केलं. त्याच्या घरचे खरं तर त्याच्या या निर्णयाशी सहमत नव्हते.

शिक्षण सोडणे त्यांना मान्य नव्हतं. याबाबत बोलताना रितेश म्हणतो की,-

” फेलोशिपच्या जाणकारांनी जेव्हा त्यांना माझं आणि माझ्या प्रोजेक्टमधल पोटेन्शिअल सांगितलं आणि मिळणारी रक्कमही सांगितली. ते ऐकून माझ्या घरचे आश्चर्यचकित झाले आणि त्यांनी मला काम करण्याची परवानगी दिली.”

आज तो भारतातील यशस्वी करून उद्योजक म्हणून गणला जातो. भारतापुरता विचार करायचा झाला तर दिवांक सिंग तोमर ही फेलोशिप मिळवणारी दुसरी व्यक्ती आहे.

त्याला वयाच्या १९ व्या वर्षी ही फेलोशिप मिळाली. ऑनलाईन शिक्षणासाठी प्लॅटफॉर्म तयार करायचा त्याचा विचार होता. त्यासाठी त्यांने आपले शिक्षण देखील सोडले होते.

 

diwang singh inmarathi

 

तो ऑनलाइन हॅकर आणि अभियंता आहे. त्याच वेळेस त्याला ही फेलोशिप मिळाली. आता तो ऑनलाइन शिक्षण क्षेत्रात काम करत आहे.

आत्तापर्यंत ही फेलोशिप मिळवणाऱ्या लोकांनी फायनान्शिअल, रिअल इस्टेट, सॉफ्टवेअर, हार्डवेअर, रोबोटिक्स, सायबर सिक्युरिटी, नॅनो टेक्नॉलॉजी, हेल्थकेअर, क्रिप्टो करेंसी, स्पेस टेक्नॉलॉजी, लॉजिस्टिक टेक्नॉलॉजी, सामाजिक, पर्यावरण या क्षेत्रात काम केले आहे.

आणि नवीन रोजगार देखील उपलब्ध केला आहे. हे वैविध्य पाहिलं तर या फेलोशिपची उपयुक्तताही लक्षात येते.

===

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम  | टेलिग्राम शेअरचॅट | Copyright © InMarathi.com | All rights reserved.

Leave a Reply

Your email address will not be published. Required fields are marked *

error: चोरी करणं अनैतिक आहे. असं कृत्य का करताय?