२० रुपयाच्या वडापावने या दोघांना बनवले कोट्याधीश ! कसे ते जाणून घ्या..

आमच्या लेखांच्या अपडेट्स मिळवण्यासाठी आमच्या फेसबुकपेजला नक्की Like करा: facebook.com/MarathiPizza

===

आपल्या भारतामध्ये आपल्याला विविध पदार्थांची चव चाखायला मिळते. प्रत्येक ठिकाणी तेथील विविध प्रसिद्ध पदार्थ खाण्यास मिळतात. दक्षिणेत इडली, डोसा यांसारखे पदार्थ, तर उत्तरेला दाल- मखनी, पराठा यांसारखे पदार्थ. पण स्वस्तात मस्त म्हणजे आपल्या मुंबईचा वडापाव! मुंबईच्या वडापावने सगळ्यांनाच भुरळ घातली आहे. भारतातलेच नव्हे, तर जगभरामधून मुंबईला येणारे पर्यटक या मुंबईच्या वडापावची चव चाखल्याशिवाय परत जात नाहीत. आज आम्ही तुम्हाला याच वडापावची किमया सांगणार आहोत. आपल्यामधीलच एका भारतीयाने हाच वडापाव परदेशात एवढा प्रसिद्ध केला कि, या वडापावच्या जीवावर तो आज कोट्यावधी रुपये कमवत आहे. विश्वास बसत नाही ना, पण ते सत्य आहे. चला तर मग जाणून घेऊया कि, त्याने हे कसे साध्य केले…

 

vadapav in london.marathipizza
wikimedia.org

२०१० मध्ये आलेल्या मंदीमुळे कितीतरी लोकांच्या नोकऱ्या गेल्या. लंडनमधील सुजय सोहनी हा देखील त्यातीलच एक होता. सुजय सोहनी याने मंदीमुळे पंचतारांकित हॉटेलमधील फूड आणि ब्रेवरेज मॅनेजरची नोकरी गमावली. सुजयची परिस्थिती एवढी खराब झाली कि, त्याला स्वत:चा उदरनिर्वाह करणे देखील कठीण होऊ लागले.

=====

=====


अश्यावेळी सुजयने आपल्या कॉलेजमधील मित्र सुबोध जोशीकडून मदत मागण्याचे ठरवले. त्रासलेल्या सुजयने मित्राला सांगितले कि, त्याच्याकडे वडापाव खाण्यासाठी देखील पैसे नाही आहेत. पण कोणाला माहित होते कि, वैतागलेल्या परिस्थितीमध्ये करण्यात आलेले हे भाष्य त्या दोघांचे जीवन पालटून टाकेल.

 

vadapav in london.marathipizza1
mid-day.com

काही दिवसांनंतर सुजयच्या डोक्यामध्ये एक जबरदस्त कल्पना आली. त्याने विचार केला कि, लंडनच्या रस्त्यांवर वडापाव विकला तर…?!!! कल्पना तर आली होती, पण त्याची अंमलबजावणी करणे सोप्पे नव्हते. दोन्ही मित्रांनी आपल्या ह्या कल्पनेवर विचारविनिमय केला आणि लंडन शहरामध्ये अशी जागा शोधली, जिथे ते आपला स्टॉल लावू शकतील.

सुजयने सांगितले कि,

हौन्स्लो ही एक चांगली जागा आहे, कारण  तेथे दक्षिण – उत्तर आशियाचे खूप लोक येत असत. आम्ही तिथेच स्टॉल शोधू लागलो. तिथे आम्हाला एक पोलिश कॅफे दिसला, ज्याचा बिजनेस चांगला चालला नव्हता. आम्ही त्या कॅफेच्या मालकाशी बोललो आणि त्यांनी आम्हाला दोन टेबल लावण्याची परवानगी दिली. आम्ही त्याला ४०० पौंड (Pound) म्हणजे जवळपास ३५००० रुपये महिन्याला देण्याचे वचन दिले.

 

vadapav in london.marathipizza2
mid-day.com

१५ ऑगस्ट २०१० रोजी सुजय आणि सुबोधने लंडनमधील रहिवाश्यांसाठी आपला स्टॉल खुला केला. सुजयने सांगितले कि,

आम्ही सर्वात आधी १ पौंड म्हणजे जवळपास ८० रुपयांना वडापाव आणि १.५० पौंड म्हणजे जवळपास १३१ रुपयांना दाबेली विकू लागलो. मित्रांनी आणि नातेवाईकांनी यासाठी प्रोत्साहन दिले. पण पहिल्या महिन्यामध्ये नफा जवळजवळ शून्य होता. आम्हाला आमच्या उत्पादनाला लोकप्रिय बनवायचे होते आणि त्यासाठी जाहिरात गरजेची होती.

=====

=====

त्यानंतर सुजय आणि सुबोध हे दोन्ही मित्र हौन्स्लोमधील गर्दीच्या रस्त्यांवर लोकांना मोफत वडापाव वाटू वागले. सुजयने आपल्या बिजनेस स्ट्रॅटजीविषयी सांगताना सांगितले कि,

आम्ही आमच्या वडापावला बर्गर सांगून लोकांना खाऊ घालू लागलो. जवळपासच्या रेस्टॉरंटमध्ये बर्गर ५ पौंड म्हणजे जवळपास ४४० रुपयांना मिळत असे. जो बर्गर लोक खात होते, त्याचेच भारतीय वर्जन आम्ही लोकांना अर्ध्या किंमतीमध्ये उपलब्ध करून दिले.

 

vadapav in london.marathipizza3
mid-day.com

अश्याप्रकारे सुजय आणि सुबोधने जुनाच पदार्थ नव्याने लंडनच्या लोकांसमोर आणून आपले नशीब बदलले. आज त्यांचा हा व्यवसाय वर्षाला ४.४ कोटी रुपये कमवत आहे. जिथे सुजयला वडापाव घेण्यासाठी देखील पैसे नव्हते, त्याच वडापावने आज त्याला कोट्याधीश बनवले आहे.

त्यामुळे कधीही परिस्थितीला न जुमानता नेहमी पुढे जाणे गरजेचे आहे. या घटनेतून नक्कीच आताच्या तरुण पिढीने प्रेरणा घेतली पाहिजे.

आमचे इतर लेख वाचण्यासाठी क्लिक करा: MarathiPizza.com. तसेच, आमच्या लेखांच्या अपडेट्स मिळवण्यासाठी आमच्या फेसबुकपेजला नक्की Like करा: facebook.com/MarathiPizza । Copyright (c) 2017 मराठी pizza. All rights reserved.

Leave a Reply

error: चोरी करणं हे अनैतिक आहे. असं कृत्य का करताय?
%d bloggers like this: