मराठा आरक्षण आंदोलन – खरी राजकीय खेळी काहीतरी वेगळीच आहे?

आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा : facebook.com/InMarathi.page

===

लेखक: प्रसाद राऊत

===

गुजरात निवडणुकीच्या वेळी मी सुरतमध्ये गेलेलो. त्यावेळी तिथल्या कंपनीच्या प्रतिनिधीबरोबर माझ्या सोबत गेलेल्या कस्टमरची चर्चा सुरु होती. तेव्हा तो प्रतिनिधी बोलला होता की जे जातीपातीचं राजकारण गुजरातने आजपर्यंत पाहिलं नव्हतं ते त्यावेळी पहावं लागलं.

तो प्रतिनिधी स्वतः पटेल होता…!

Gujarat-patel-reservation inmarathi
scroll.in | Sam Panthaky/AFP

 

त्याने स्पष्ट शब्दात सांगितलं की पटेल आरक्षण मिळणं इतकं सोप्प नाहीये हे आता समजून आलंय. त्यासाठी कोर्ट, संविधानातील तरतुदी या सर्व गोष्टी महत्वाच्या आहेत. फक्त त्या मुद्द्याचा राजकारणासाठी वापर होतोय.

त्यावेळी देशभर गाजलेल्या पटेल आरक्षणाचा नेता हार्दिक पटेल आज कुठे आहे? तेव्हा घडलेला घटनाक्रम बघा…


अचानक पटेल आरक्षणाचा मुद्दा ऐरणीवर आला होता. त्यातून हार्दिक पटेल हे तरुण नेतृत्व पुढे आलं. हळूहळू हाच नेता राजकारणात उतरला.

 

 

या दरम्यान टीव्हीवर आरक्षण या विषयावर तिकडे साधक-बाधक चर्चा सुरु होत्या. पटेलांना आरक्षण मिळण्यात असलेल्या अडचणीत पटेल समाजासमोर येत होत्या.

त्यात हार्दिक पटेल राजकारणात उतरून मोदी आणि भाजपला विरोध करू लागला तेव्हा हळूहळू पटेल समाजाला जाणीव होऊ लागली की या मुद्द्याचा फक्त काँग्रेसतर्फे राजकारणासाठी उपयोग होणार…!

 

hardik jignesh alpesh inmarathi
themorningchronicle.in

 

याची परिणीती ही होती की सुशिक्षित पटेल समाज मृगजळामागे धावण्यापेक्षा आपल्या कामधंद्यावर लक्ष देण्यासाठी या आंदोलनापासून दूर गेला. आज ना हार्दिक दिसतो ना पटेलांचं आरक्षण…!

महाराष्ट्रात मराठा आरक्षण हा मुद्दा तसा जुना आहे. पण यामागे खेळल्या गेलेल्या चाली पाहिल्या तर बरेच पडद्यामागचे सूत्रधार समोर येतात.

जर कोणाला आठवत असेल तर महाराष्ट्रात सत्तांतर होण्याआधी काही काळ घाई घाईत मराठा आरक्षण राष्ट्रवादी व काँग्रेसने जाहीर केलं. कोर्ट त्याला नामंजुरी देणार हे दिग्गज राजकारणी पवार साहेबांना माहित होतं! तरीही घाईघाईत हे केलं गेलं! त्यामागची अटकळ ही होती की –

कोर्टात हे आरक्षण टिकवण्यासाठी मराठा समाज एकगठ्ठा मतदान राष्ट्रवादी आणि काँग्रेसला करेल. हा सत्तेपर्यंत पोहोचण्यासाठीचा एक मार्ग होता त्यावेळच्या मराठा नेत्यांसाठी.

पण अंदाज चुकला! मोदीलाट म्हणा किंवा तत्कालीन सरकारबद्दल असलेला राग म्हणा – महाराष्ट्रात सत्तांतर घडलं!

सोशल मीडियावरचं त्यावेळचं वातावरणाचा शांतपणे विचार केला तर लक्षात येईल की महाराष्ट्रात सत्तांतर घडल्या नंतरच “ना हिंदुत्ववादी ना बहुजनवादी, आम्ही फक्त मराठावादी” या एका विचारधारेला प्रमोट करणारे लोक उदयाला आले.

सतत मराठा आरक्षण हा विषय धगधगता ठेवण्यासाठी काही संघटनांकडून आंदोलनं होत होती.

एकीकडे हे सुरु असताना दुसरीकडे सोशल मीडियावर राष्ट्रवादीची बी टीम सक्रिय झाली होती. त्यांचा एकच अजेंडा होता – फडणवीस यांची जात हायलाईट करायची. “मुख्यमंत्री “ब्राह्मण” असल्यानेच मराठा समाजाला आरक्षण मिळत नाहीये” अशा प्रकारचे विचार त्यावेळी मुद्दाम प्रसारित केले जात होते.

पण त्याला म्हणावं तसं यश मिळत नव्हतं. त्यात कोपर्डीची दुर्दैवी घटना घडली आणि जी ठिणगी पडली तिचा वणवा व्हायला वेळ लागला नाही.

 

all kopardi accused convicted inmarathi

 

पण यात झालं उलटंच. ऍट्रॉसिटीमुळे मराठा समाजात जो रोष होता तो बाहेर पडला. मराठ्यांना बहुजनवादी चळवळीत ओढण्यासाठी पुरोगाम्यांकडून जे काही प्रयत्न झाले होते ते फसले आणि मराठा विरुद्ध दलित अशी उभी फूट बहुजन चळवळीत निर्माण झाली.

 

atrocity-marathipizza

 

हे सर्व घडत असताना परत राष्ट्रवादीच्या बी टीममधले काही चेहरे अचानक सोशल मीडियातून गायब झाले. ते ग्राऊंड लेव्हलला सक्रिय झाले…!

“मराठा क्रांती मोर्चा”चा पहिला भर ओसरल्यानंतर कोपर्डीच्या बहिणीसाठी काढलेला मोर्चा आणि त्याचं उद्दिष्ट मागे पडून मराठा आरक्षण हा एकमेव मुद्दा मराठा मोर्चाचं उद्दिष्ट झालं.

आता परिस्थिती अशी आहे की मराठा आरक्षण आणि ते मिळण्यातील कायदेशीर अडचणी चर्चांमधून समोर येतायत…

पण –

या वयातही सत्तेची आस असणाऱ्या काही नेत्यांना आता मराठा आरक्षण नको झालंय…! कारण ते शस्त्र त्यांच्यावरच उलटण्याची शक्यता निर्माण झालीय…!

जर फडणवीस सरकारच्या प्रयत्नामुळे कोर्टाने मराठ्यांना आरक्षण दिलंच तर आणखी एक टर्म भाजपला मिळण्याची शक्यता आहे.

म्हणून आता मोर्चा मराठा आरक्षण एवढ्यापुरता नं राहता फडणवीसने सत्ता सोडावी किंवा निवडणुकीच्या आधी निदान आरक्षणाच्या बाबतीत कोर्टाचा निर्णय येऊ नये यासाठी प्रयत्न सुरु आहेत.

मराठा मोर्चामधील आंदोलक काकासाहेब शिंदे यांचा जलसमाधी आंदोलनात मृत्यू झाला. हळूहळू आंदोलकांना चिथावून मोर्चा हिंसक कसा करता येईल हे पाहिलं जातंय.

५०च्या वर शांततापूर्ण मोर्चे काढणारा मराठा समाज अचानक आक्रमक कसा झाला? संभाजी बिग्रेड अचानक फ्रंटफूटवर कशी आली?

असे अनेक प्रश्न स्वतःलाच विचारले तरी काही उत्तरं आपोआप मिळतील.

मला फडणवीस सरकार राहील की जाईल याने फरक पडत नाही. पण जे काही हिंसक प्रकार सुरु आहेत त्यामुळे हळूहळू सुशिक्षित मराठा समाज या आंदोलनापासून दूर जाईल. आणि मग बिग्रेडसारख्या संघटनांच्या हातात हा मोर्चा गेला की आजपर्यंत काढलेल्या सर्व मोर्चाचं वैशिष्ठय असलेली शिस्त संपून फक्त हिंसक मोर्चा एवढाच संदेश समाजात जाईल ही काळजी वाटते.

आरक्षण मिळणार नाही… सततच्या चर्चाना वैतागून मराठा समाज आरक्षणाचा नाद सोडून देईल… जे पटेलांचं झालं तेच मराठ्यांचं होईल…

===

InMarathi.com वर विविध लेखकांनी व्यक्त केलेले विचार ही त्यांची वैयक्तिक मतं असतात. InMarathi.com त्या मतांशी सहमत असेलच असं नाही. | आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright © InMarathi.com | All rights reserved.

2 thoughts on “मराठा आरक्षण आंदोलन – खरी राजकीय खेळी काहीतरी वेगळीच आहे?

  • July 25, 2018 at 4:26 pm
    Permalink

    This is real condition

    Reply
    • July 25, 2018 at 9:05 pm
      Permalink

      आज मराठा आंदोलनाचे ताबूत जवळ पास थंड झाले .काहींची उतरली नाही ..ती उतरेल …अन आता परत ह्याला जो फुंकर घालेल …हवा दिल तो बदनाम होणार ..आधीच साहेबाना इज्जत वाचवता वाचवता दमछाक होते आहे ……पण एक नक्की आंदोलक अन आंदोलनाचे फासे आता उलटले आहेत ..
      पण ह्या सगळ्याच्या मागे एक अत्यंत धूर्त सारीपाटाचा डाव सुरु आहे ..ह्या दोन्ही कॉंग्रेस ला आता आरक्षणाशी आता कवडीचा स्वारस्य नाही …गेल्या दोन दिवसात हे आंदोलन पुरते बदनाम झाले अन सुशिक्षित मराठा ह्या पासून दूर होत आहे …आरक्षण नको पन समाजाच्या नजरेतला तिरस्कार पण नको अहि अवस्था झाली आहे सगळय सुशिक्षित /सुस्थित मराठ्यांची ..हा आता ह्या गलिच्छ राजकारणाला कंटाळत चालला आहे ..रस्यावर घोषणा देणारा ..बेकार /अर्ध शिक्षित तरुण आहे ..अन केवळ तैम पास म्हणून चार दिवस गमत ..बाकी त्याला डेप्त नाही
      तर मग हे गलिच्छ शह कात्शः चे राजकारण फक्त दोन कॉंग्रेस मधेच ..आरक्षण मिळते तर श्रेय घेऊन वोट मिळवायचे अन सत्ता काबीज करणे …पण दोघांना पण हे माहित आहे ..स्वबळावर सत्ता काबीज करू शकत नाही ..अन सेना त्यांना चालणार नाही ..त्यामुळे नाईलाजाने एकत्र राहणे ..मजबुरी आहे ..मग त्यात ल्या त्यात ..वर्चस्व ठेवण्याकरता …कॉंग्रेस ला मात्र केंद्र अन राज्य दोन्ही आघाड्यावर विजय पाहिजे आहे ..तर पवार साहेबांना …राज्यात वाट तर पाहिजे पण केंद्रात डायरेक्ट पंतप्रधान …अन ह्याच करता हे आंदोलन हिंसक होणे दोघानाही अगत्याचे …पण हिंसक झाल्यास… आजच्या क्षणाला पवार ज्यास्त बदनाम होत आहेत ..सध्या कॉंग्रेस सुरक्षित अंतरावर आहे ….
      हे असा का ..कारण कॉंग्रेस हाय कमांड …पप्पू नाही ..तिथे साहेबाच बारस जेवलेली आहेत बसलेली …२०१९ च्या दोन्ही निवडणुकीत मदत /सोबत पाहिजे पण …डोक्यावर नाही बसवणार ..
      साहेबाना आजून ४/५ महिने येथेच आंदोलनात गुंतून ठेवणार ..दुसर लोसाभेचे जागा भलेही २०/२५ देतील पण १०/१२ च्या वर येणार नाहीत ,,त्याची ताज्विऊ करणार ..अन हाच डाव राष्ट्रवादी पण ख्लातो आहे ..
      आता आरक्षण दुय्यान २०१९ ची लढाई महत्वाची …पण एक नक्की …साहेबांच तेल गेल तूप पण गेल होण्या /होईल करिता कॉंग्रेस कामाला लागली आहे ..पाहू हे कुस्ती आता आपसातच झाली सुरु //फडणीस फार दूर राहिले …ते म्हणणार ..मेरेसे बादमे …पहिले अपनेमे लढो ..जीतेंगा उसासे मी लांधुंगा ..सध्या त्यान कोणताच टेन्शन नाही ..अन येणार प्रत्येक दिवस ते मजबूत होत आहेत …सुशिक्षित मराठा ,,अन इतर्समज आता वळतो आहे त्यांच्या मागे ..ह्या दोन दिवसाच्या सावल्या गोंधळामुळे ,,हे नक्की

      Reply

Leave a Reply

Your email address will not be published. Required fields are marked *